चैत महिनाका लागि एनआईसी एशिया बैंकका ग्राहकले कति पाउछन् ब्याजदर ?

काठमाण्डौ । एनआईसी एशिया बैंकले चैत महिनाका लागि नयाँ ब्याजदर सार्वजनिक गरेको छ । जसअनुसार बैंकले व्यक्तिगत र संस्थागत मुद्दती निक्षेपको ब्याजदर स्थिर राखेको छ ।  

बैंकले फागुन महिनाकै ब्याजदरलाई निरन्तरता दिने निर्णय गरेको छ ।  

बैंकले व्यक्तिगत मुद्दती निक्षेपको अधिकतम ब्याजदर ६.६० प्रतिशत कायम गरेको छ । बैंकले चैत महिनाका लागि व्यक्तिगत निक्षेपतर्फ ३ महिना अवधिका लागि ३.५० प्रतिशत ३ महिनादेखि १ वर्ष तलका लागि ४ प्रतिशत,१ वर्षदेखि ५ वर्ष मुनिका लागि ५.५० प्रतिशत र ५ वर्ष र सोभन्दा माथिका लागि ६.६० प्रतिशत ब्याजदर तोकेको छ ।  

त्यस्तै बैंकले संस्थागत मुद्दती निक्षेपको ब्याजदर पनि स्थिर राखेको छ । चैत महिनामा संस्थागत निक्षेपकर्तालाई अधिकतम ५.६० प्रतिशत ब्याजदर दिने निर्णय बैंकले गरेको छ ।  

बैंकले संस्थागत मुद्दती निक्षेपको ६ महिनादेखि १२ महिना मुनिका लागि ३.०५ प्रतिशत, १ वर्षदेखि २ वर्ष अवधिका लागि ३.५० प्रतिशत,२ वर्ष माथिदेखि ५ वर्षमुनिका लागि ४ प्रतिशत र ५ वर्ष र सो भन्दा माथिका लागि ५.६० प्रतिशत ब्याजदर निर्धारण गरेको छ ।