हिमालयन लघुवित्तद्वारा ग्लोबल मनि विक कार्यक्रम सम्पन्न

काठमाण्डौ । हिमालयन लघुवित्त वित्तीय संस्था लिमिटेडले चैत ४ गतेदेखि चैत १० गतेसम्म ‘ग्लोबल मनि विक २०२५ को उपलक्ष्यमा वित्तीय साक्षरतासम्बन्धी विभिन्न कार्यक्रमहरु सम्पन्न गरेको छ ।

संस्थाले वित्तीय साक्षरता अभिवृद्धि गर्दै वित्तीय ज्ञान, सीप र मनोवृतिको विकास गर्ने उद्देश्यका साथ ग्लोबल मनि विकको 'Think Before you follow, Wise Money tomorrow' नारालाई आत्मसात् गर्दै केन्द्रीय कार्यालय लगायत ३२ जिल्लामा अवस्थित ७५ वटै शाखा कार्यालयहरुबाट संस्थामा आवद्ध सदस्य तथा विशेष गरी विद्यार्थी लक्षित वित्तीय साक्षरता कार्यक्रम सञ्चालन गरेको छ ।

 कार्यक्रममा प्लेकार्ड, ब्यानर आदीको प्रयोग गरी र्याली समेत आयोजना गरेको थियो । संस्थामा आवद्ध रहेका सदस्य, समुदाय एवम् स्कुल कलेजमा अध्ययनरत विद्यार्थीहरुमा आधारित उक्त कार्यक्रमबाट १ हजार २२० जना छात्रछात्रा सहितकरिब १२ हजार जना लाभान्वित भएकको संस्थाले जनाएको छ ।