सरकारलाई बालेनको अल्टिमेटम-'एकहप्ताभित्र सफाई कर्मचारीले तलब नपाए सबैलाई टुकुचामा गाडिदिन्छु'

काठमाण्डौ । कुलमान घिसिंगलाई नेपाल विद्युत प्राधिकरणको कार्यकारी निर्देशकबाट सरकारले हटाएको विषय जनआक्रोश बढिरहेकै बेला काठमाण्डौ महानगरपालिकाका मेयर बालेन्द्र शाह(बालेन)ले आफ्ना सफाई कर्मचारीले तलब नपाए सरकारका मान्छेहरुलाई टुकुचामा गाडिदिने धम्की दिएका छन् । 

केहीबेरअघि सामाजिक सञ्जाल फेसबुकमा एउटा स्टाटस लेख्दै मेयर बालेनले सरकारको दम्भले काठमाण्डौ महानगरपालिकाका सफाई कर्मचारीले ३ महिनादेखि तलब नपाएका उल्लेख गर्दै अबको एक हप्तामा पनि तलब नपाए सबैलाई टुकुचामा गाडिदिने चेतावनी दिएका हुन् । 

'काठमाडौं महानगरपालिकाको सरसफाई कर्मचारीले बिगत ३ महिना देखी तलब पाको छैन, सरकारको दम्भले ।' बालेनले लेखेका छन्को-' कोले के के आन्दोलन गर्ने हो, मलाई थाह छैन , अबको एक हप्तामा हाम्रो कर्मचारीले तलब पाएन भने सबैलाई टुकुचामा गाडदिन्छु । त्यसपछि हेरौंला तिमीहरुको के के तन्त्र हो ।'