काठमाण्डौ महानगरका कर्मचारीले पाए रोकिएको तीन महिनाको तलब

काठमाण्डौ । लामो समयदेखि तलब नपाएका काठमाण्डौ महानगरपालिकाका कर्मचारीले तलब बुझेका छन् । महानगरका कर्मचारीलेे विगत ३ महिनादेखि रोकिएको तलब आज पाएका हुन् ।

कर्मचारीहरुले ३ महिनादेखि पाउनुपर्ने तलब एकैपटक पाएका हुन् । महानगरका प्रमुख प्रशासकीय अधिकृत सरोज गुरागाईंले चैत २२ गते सोमबार तलब पाउने गरी तोक लगाएका थिए।  

गत पुस ७ गतेदेखि बिदा बसेका गुरागाईं बिहीबार कार्यालय गएका थिए। उनी कार्यालय जाँदा महानगरमा तनाव सिर्जना भएको थियो।