.gif)
_(1).gif)
.png)
काठमाण्डौ । सरकारको निकै ठूलो लगानी रहेको नेपाल बैंक लिमीटेडको नाफामा पहिरो गएको छ ।
बैंकले शनिवार प्रकाशित गरेको चालु आर्थिक वर्षको दोश्रो त्रैमासको वित्तीय विवरणमा यस्तो अवस्था देखिएको हो ।
समीक्षा अवधिमा नेपाल बैंकको खूद नाफा घटेर ५९ करोडमा सीमित बन्न पुगेको हो । अघिल्लो वर्षको यही अवधिमा बैंकको यस्तो नाफा १ अर्ब १७ करोड माथि रहेको थियो । यसरी बैंक पछिल्लो समय थप कमजोर बन्दै गएको देखिन्छ ।
बैंकको अवस्था डामाडोल बनेका कारण दोश्रो त्रैमाससम्मको वितरणयोग्य मुनाफा ५६ करोड ९० लाखले ऋणात्मक बन्न पुगेको छ । प्रतिसेयर वार्षिकीकृत वितरणयोग्य मुनाफा दर ७.७५ रुपैयाँले नेगेटिभ बन्न पुगेको छ ।
(1).gif)
कुल १४ अर्ब ६९ करोड चुक्तापूँजी रहेको यो बैंकले समीक्षा अवधिमा ७६ करोड २५ लाख सञ्चालन मुनाफा गरेको छ । अघिल्लो वर्षको यही अवधिमा यस्तो मुनाफा १ अर्ब ५१ करोड माथि थियो ।
खराब कर्जा ह्वात्तै बढेर इम्पेयरमेन्ट चार्जमा कमाएको ठूलो रकम प्रभिजन गर्नुपर्दा यो कम्पनीको वित्तीय अवस्था दयनीय बन्न पुगेको देखिन्छ । चालु आर्थिक वर्षको दोश्रो त्रैमाससम्म नेपाल बैंकले २ अर्ब ७ करोड बढी इम्पेयरमेन्ट चार्जको रुपमा छुट्याउनुपरेको छ । अघिल्लो वर्षको यही अवधिसम्म ५१ करोड २१ लाख रुपैयाँ मात्र इम्पेयरमेन्ट चार्जमा प्रभिजन गर्नुपरेको थियो ।
बैंकले व्यवसाय विस्तार राम्रै गरे पनि प्रवाह भएका निकै धेरै लोन खराब भएपछि अवस्था डामाडोल बन्न पुगेको देखिन्छ । उदाहरणका लागि बैंकले दोश्रो त्रैमाससम्ममा ४ अर्ब ६३ करोड बढी खूद ब्याज आम्दानी गरेको छ । अघिल्लो वर्ष यही अवधिसम्म ३ अर्ब ८४ करोड मात्र खूद ब्याज आम्दानी गरेको थियो । यसरी बैंकले व्यवसाय बिस्तार गरी खूद ब्याज आम्दानीमा राम्रै बढोत्तरी गरे पनि लोनहरु बिग्रिँदा समस्या जटिल बन्न पुगेको हो ।
खूद मुनाफामा पहिरो जाँदा बैंकको वार्षिकीकृत प्रतिसेयर आम्दानी ८.०३ रुपैयाँमा सीमित बन्न पुगेको छ । अघिल्लो वर्षको यही अवधिसम्म इपीएस १५ रुपैयाँ ९३ पैसा थियो ।
अघिल्लो वर्ष यही अवधिसम्म बैंकको खराब कर्जा अनुपात ३.११ प्रतिशत रहेकोमा बढेर यो वर्ष ४.५० प्रतिशत पुगेको छ । यो भनेको खतराको घण्टी हो । केन्द्रीय बैंकले खराब कर्जाको अनुपातलाई ५ प्रतिशतभित्र नराखे बैंक तथा वित्तीय संस्थाहरुलाई कारबाही गर्ने गरेको छ ।
समीक्षा अवधिसम्म २ खर्ब ५८ अर्ब बढी निक्षेप संकलन गरी १ खर्ब ८१ अर्ब बढी कर्जा परिचालन गरेको छ । अघिल्लो वर्षको यही अवधिसम्म बैंकले २ खर्ब ४४ अर्ब बढी निक्षेप संकलन गरी १ खर्ब ७८ अर्ब बढी लोन प्रवाह गरेको थियो ।
पुस मसान्तसम्मको दोश्रो बजार मूल्यका आधारमा कम्पनीको मूल्य आम्दानी अनुपात २९.३७ गुणा, प्रतिसेयर नेटवर्थ २५२.५४ रुपैयाँ रहेको छ ।
.png)
.jpg)
(1).jpg)
(1).jpg)
.gif)
(1).gif)
.gif)
