.gif)
(2).gif)
_(1).gif)
.png)
काठमाण्डौं । कम मूल्यको धितोमा धेरै लोन दिएको आरोपमा पक्राउ परेका १० बैंकर थुनामुक्त भएका छन् ।
नेपाल प्रहरीको केन्द्रीय अनुसन्धान ब्यूरो(सीआईबी)ले बिहीबार फागुन १५ गते पक्राउ परेका बैंकरलाई हाजिरी जमानीमा थुनामुक्त गरेको हो ।
.gif)
देउराली सहकारीका अध्यक्ष देवेन्द्र चौलागाई र उनकी पत्नीको कम्पनीलाई कम धितोमै पनि अत्यधिक लोन प्रवाह गरेको आरोपमा सीइआईबीको टोलीले फागुन १५ गते राजधानीका विभिन्न स्थानबाट तत्कालीन सेञ्चुरी बैंकका सीइओद्वय तुल्सीराम गौतम र मनोज न्यौपानेसहितको १० बैंकरलाई पक्राउ गरेको थियो ।
पक्राउ परेपछि उनीहरुलाई ७, ७ र ५ दिन गरी तीनपटक थुनामा राखी अनुसन्धान गर्ने अदालतबाट अनुमति लिएर सीआईबीले अनुसन्धानलाई जारी राखेको थियो ।
एमालेसहितको नयाँ गठबन्धन र नयाँ सरकार बनेपछि निजी क्षेत्र र बैंकरहरुको आत्माविश्वास जगाउने उद्देश्यले अर्थमन्त्रीको जोडबल र प्रधानमन्त्रीको निर्देशनमा सबै बैंकरलाई थुनामुक्त गरिएको स्रोतले जनाएको छ ।
थुनामुक्त भए पनि सबै बैंकरले बाहिरै बसेर सीआईबीको अनुसन्धानलाई सहयोग गर्नुपर्नेछ ।
सीआइबीको प्रवक्ता होबिन्द्र बोगटीले १० बैंकरलाई परिवारजन र बैंकको जमानीमा थुनामुक्त गरिएको र अनुसन्धान अझै लम्बिने देखिएकोले उनीहरुले बाहिरै बसेर अनुसन्धानलाई सहयोग गर्नुपर्ने बताएका छन् ।
.png)
.jpg)
.jpg)
.jpg)
(1).gif)
.gif)
