.gif)
(1).gif)
(2).gif)
.png)
.gif)
.png)
काठमाण्डौ । गरिमा विकास बैंक लिमिटेडले आफ्नो वित्तीय अवस्थामा आकर्षक प्रगति हासिल गरेको छ । बैंकले सार्वजनिक गरेको गत आवको चौथौ त्रैमाससम्मको अपरिष्कृत वित्तीय विवरण अनुसार अधिकांश सूचकमा सुधार गरेको छ ।
बैंक उक्त अवधिसम्म खुद ब्याज आम्दानी, नाफा, वितरणयोग्य मुनाफ, लाभांश क्षमता, निक्षेप संकलन, कर्जा प्रवाह र प्रतिसेयर आम्दानी जस्ता मुख्य सूचकहरु बढाउन सफल भएको छ ।
यस्तै बैंक खराब कर्जा अनुपात, कस्ट अफ फण्ड र बेस रेट घटाउन सफल देखिन्छ । यी सूचकहरुमा देखिएको सुधारले बैंक प्रगतिको पथमा लम्किएको देख्न सकिन्छ ।
बैंकले वितरणयोग्य मुनाफा १४९.६४ प्रतिशतले बढाएको छ । समीक्षा अवधिसम्म बैंकको वितरणयोग्य मुनाफा ७१ करोड ४९ लाख रुपैयाँ पुगेको छ । जुन अघिल्लो आवमा २८ करोड ६४ लाखमा सीमित थियो ।
वितरणयोग्य मुनाफामा भएको आकर्षक वृद्धिका कारण बैंकको लाभांश क्षमता १२.५९ प्रतिशत पुगेको छ । अघिल्लो आवको सोही अवधिसम्म भने यो दर ५.०४ प्रतिशतमा सीमित थियो । यस सुधारले बैंकले आफ्ना सेयरधनीहरुलाई उच्च प्रतिफल प्रदान गर्ने सम्भावनालाई संकेत गरेको छ ।
यस्तै बैंकको खुद ब्याज आम्दानी पनि ३ अर्ब ३१ करोड रुपैयाँ बाट बढेर ३ अर्ब ६४ करोड रुपैयाँ पुगेको छ । बैंकले खुद शुल्क तथा कमिशन आम्दानी पनि ४५ करोड ६३ लाखबाट बढाएर ५१ करोड १ लाख पुर्याएको छ ।
चौथो त्रैमाससम्म बैंकको सञ्चालन मुनाफा १९५ प्रतिशतले बढेर १ अर्ब ८९ लाख रुपैयाँ पुगेको छ ।
यस्तै बैंकको खुद नाफा समेत १८९ प्रतिशतले बढेको छ । बैंकले यो अवधिसम्म १ अर्ब ३५ करोड रुपैयाँ खुद नाफा आर्जन गरेको छ । अघिल्लो आवमा भनेृ बैंकको खुद नाफा ४६ करोड ६६ लाखमा सीमित थियो ।
बैंकको प्रतिसेयर आम्दानी उल्लेख्य बढेको छ । अघिल्लो आवमा ७.६४ मात्रै रहेको प्रतिसेयर आम्दानी बढेर २३.०७ रुपैयाँ पुगेको छ ।
बैंकको निक्षेप संकलन ६.९६ प्रतिशतले बढेर ९० अर्ब ११ करोड रुपैयाँ पुगेको छ । यस्तै कर्जा प्रवाह पनि ७.३२ प्रतिशतले बढेर ६९ अर्ब ३१ करोड रुपैयाँ पुगेको छ । निक्षेप संकलन र कर्जा प्रवाहमा देखिएको सुधारले बैंकप्रति ग्राहकको बढ्दो विश्वासलाई झल्काएको छ ।
बैंकको रिकभरीमा समेत सुधार आएको छ । खराब कर्जा अनुपात ४.८५ प्रतिशतबाट घटेर ४.७२ प्रतिशतमा सीमित बनेको छ । इम्पेयरमेन्ट चार्ज घटेसँगै बैंकले इम्पेयरमेन्ट चार्जका लागि ५३ करोड ७९ लाख रुपैयाँमा छुट्याउनु परेको छ । अघिल्लो आवमा भने बैंकले १ अर्ब ७१ करोड रुपैयाँको व्यवस्था गर्नु परेको थियो ।
यो अवधिमा बैंकको कस्ट अफ फण्ड ६.६४ प्रतिशतबाट घटेर ४.८४ प्रतिशतमा झरेको छ । यस्तै सिडी रेसियो ८५.१३ प्रतिशत र रिर्टन अन इक्विटी १४.९० प्रतिशत रहेको छ ।
समीक्षा अवधिसम्म बैंकको प्रतिसेयर नेटवर्थ १६४.१७ रुपैयाँ, प्रतिसेयर कुल सम्पत्तिको मूल्य १ हजार ८४०.४१ रुपैयाँ, मूल्य आम्दानी अनुपात १८.५७ गुणा र तरलता अनुपात २७.४० प्रतिशत कायम भएको छ ।
(2).gif)
.gif)
.png)
.png)
.png)
(1)(48).jpg)
.jpg)
