.gif)
_(1).gif)
.png)
काठमाण्डौ । गरिमा विकास बैंक लिमिटेडले चालू आर्थिक वर्ष २०८०/८१ को दोस्रो त्रैमाससम्म ५१ करोड १२ लाख रुपैया खूद नाफा आर्जन गरेको छ । बैंकले आज प्रकाशित गरेको अपरिष्कृत वित्तीय विवरण अनुसार यो अवधिमा बैंकको खूद नाफा २.०८ प्रतिशतले मात्रै बढेको हो ।
अघिल्लो आर्थिक वर्षको सोहि अवधिमा बैंकको खूद नाफा ५० करोड २१ लाख रुपैयाँ थियो ।
(1).gif)
समीक्षा अवधिसम्म बैंकको वितरणयोग्य मुनाफा ८९.२१ प्रतिशतले घटेको छ । यो अवधिमा बैंकको वितरणयोग्य मुनाफा २ करोड ३१ लाख रुपैयाँमा सीमित भएको छ । अघिल्लो आवमा बैंकको वितरणयोग्य मुनाफा २१ करोड ४९ लाख रुपैयाँ थियो ।
यस्तै बैंकको इमपेयरमेन्ट चार्जमा वृद्धि देखिएको छ । इम्पेयरमेन्ट चार्ज गत आवको सोहि अवधिमा ३५ करोड १९ लाख रुपैयाँ रहेकोमा समीक्षा अवधिसम्म बढेर ५४ करोड १ लाख रुपैयाँ पुगेको छ ।
बैंकको सञ्चालन मुनाफामा सामान्य वृद्धि भएको छ । अघिल्लो आवमा ७१ करोड ६७ लाख रहेको सञ्चालन मुनाफा बढेर ७३ करोड २२ लाख रुपैयाँ पुगेको छ ।
समीक्षा अवधिसम्म बैंकको खूद ब्याज आम्दानी ५ अर्ब ४५ करोड ७५ लाख रुपैयाँ रहेको छ । जुन अघिल्लो आवको सोहि अवधिसम्म ५ अर्ब १८ करोड ९० लाख रुपैयाँ थियो । बैंकको खराब कर्जा अनुपात गत आवको समीक्षा अवधिसम्म १.८९ प्रतिशत रहेकोमा बढेर २.९५ प्रतिशत पुगेको छ ।
बैंकले ग्राहकबाट ७८ अर्ब ५७ करोड ५५ लाख रुपैयाँ निक्षेप संकलन गरेको छ । जुन गत आर्थिक वर्षको दोस्रो त्रैमाससम्म ७६ अर्ब ९६ लाख रुपैयाँ थियो ।
बैंकको प्रतिसेयर आम्दानी १८.०३ रुपैयाँ,मूल्य आम्दानी अनुपात २१.३७ गुणा,प्रति सेयर नेटवर्थ १४५.४७ रुपैयाँ,तरलता अनुपात २४.७४ गुणा र प्रतिसेयर कुल सम्पत्तिको मूल्य १६१८.४८ रुपैयाँ कायम भएको छ ।
.gif)
.png)
.jpg)
.jpg)
.gif)
.gif)
