(1).gif)
(2).gif)
.jpg)
.png)
काठमाण्डौ । विकास बैंकहरुको समूहमा सबैलाई पछाडि धकेल्दै गरिमा विकास बैंकले पहिलो स्थानमा बाजी मारेको छ ।
चालु आर्थिक वर्षको दोश्रो त्रैमाससम्म बैंकहरुले प्रकाशित गरेका अपरिस्कृत वित्तीय विवरणअनुसार गरिमा विकास बैंकले महत्वपूर्ण सूचकहरुमा अन्य विकास बैंकलाई पछाडि पारेर पहिलो नम्बरमा उक्लिने सफलता पाएको हो ।
.gif)
गरिमाले दोश्रो त्रैमाससम्ममा ५१ करोड २५ लाख बढी खूद नाफा आर्जन गरेको छ । अरुबेला नाफामा समेत पहिलो स्थानमा देखिने मुक्तिनाथ विकास बैंक ४२ करोडसहित दोश्रो नम्बरमा धकेलिएको छ ।
गरिमाको सञ्चालन मुनाफा, वितरणयोग्य मुनाफा, वार्षिकीकृत प्रतिसेयर आम्दानी पनि निकै राम्रो देखिएको छ ।
सञ्चालन मुनाफा सबैभन्दा बढी ७३ करोड, इपीएस पनि सबैभन्दा बढी १८.०६ रुपैयाँ कायम भएको छ ।
मुक्तिनाथ विकास बैंकको सञ्चालन मुनाफा ६१ करोड ६९ लाख रुपैयाँ रहेको छ भने इपीएस ११.९२ रुपैयाँमा सीमित भएको छ ।
साइन रेसुंगा ३७ करोड नाफासहित तेश्रो स्थानमा छ । इपीएसमा कामना सेवा दोश्रो र साइन दोश्रो स्थानमा छ । कामना सेवा दोश्रो त्रैमासको वार्षिकीकृत इपीएस १५.७८ र साइनको १५.६८ रुपैयाँ रहेको छ ।
वित्तीय विवरण प्रकाशन गरेका राष्टिय स्तरका ७ विकास बैंकमध्ये मुक्तिनाथ र ज्योतिको वितरणयोग्य मुनाफा ऋणात्मक छ भने बाँकी सबैको धनात्मक छ ।
खराब कर्जाको अनुपात ज्योतिमा धेरै छ । यहाँ ४.८८ को अनुपातमा खराब कर्जा रहेको छ ।
.png)
.jpg)
