.gif)
_(1).gif)
.png)
काठमाण्डौ । सरकार र मातहतका निकायहरु डिजीटल नेपालका गुलिया नारा लगाउन कहिल्यै पछि पर्दैनन् । तर, बोलीमा डिजीटल नेपालको रटान लगाउने सरकारी निकायहरुको पारा भने परम्परागत नै देखिन्छ । यस्तै समस्या र कार्यशैली अर्थमन्त्रालयका कर्मचारीहरुमा देखिन्छ । पछिल्लो उदाहरण धितोपत्र बोर्डको अध्यक्षमा परेको आवेदनको विषयमा सार्वजनिक रुपमा जानकारी गराउने ढुंगे युगजस्तो शैलीलाई लिन सकिन्छ ।
धितोपत्र बोर्डको अध्यक्षका लागि सिफारिस समितिले फागुन १६ गते एक सूचना प्रकाशन गर्दै इच्छुक र योग्यबाट आवेदन आह्वान गरेको थियो । फागुन ३० गतेसम्ममा आवेदन दिनुपर्ने समय तोकिएको थियो । सो अवधिसम्म कुल १९ जनाले धितोपत्र बोर्डको अध्यक्षका लागि आवेदन दिएका थिए ।
(1).gif)
यसको अर्थ धितोपत्र बोर्डको अध्यक्षका लागि फागुन ३० गते कार्यालय समयमै आवेदन प्राप्त भइसकेको थियो । त्यसरी प्राप्त १९ जनाको आवेदनको विषयमा सार्वजनिक सञ्चारमाध्यमहरुमा छ्यासछ्यास्ती समाचारहरु नै आइसकेका थिए ।
तर, त्यसरी समाचार आएको र आवेदन परेको ५ दिनपछि अर्थमन्त्रालयले बल्ल सोमबार दिउँसो सोसम्बन्धी जानकारी आफ्नो वेबसाइटमा प्रकाशन गरेको छ ।
आज(चैत ५ गते) बिहान ७ बजे मात्रै अर्थमन्त्रालयको वेबसाइटमा धितोपत्र बोर्डमा आवेदन दिएका १९ जनाको विवरण प्रकाशित भएको हो ।
अर्थमन्त्रालयको पत्र हेर्दा वित्तीय क्षेत्र व्यवस्थापन तथा संस्थान समन्वय महाशाखाले प्रशासन महाशाखालाई फागुन ३० गतेको बैठकबाट बोर्डमा अध्यक्षका लागि आवेदन दिनेहरुको नामावली वेबसाइटमा प्रकाशन गर्ने निर्णय भएको र सोहीअनुसार प्रकाशन गर्न भन्दै चैत १ गते पत्र काटेको देखिन्छ ।
प्रशासन महाशाखाका तालुकदार अधिकारीले त्यो पत्रलाई एकदिनभर होल्ड गरेर चैत २ गते बल्ल आफू मातहतको सूचना प्रविधि शाखालाई प्रकाशन गर्ने भनेर निर्देशन दिएका देखिन्छ ।
चैत २ गते नै प्राप्त निर्देशनलाई सूचना प्रविधि शाखाले भने ३ दिन ढिलो गरी चैत ५ गते बिहान मात्र वेबसाइटमा प्रकाशन गरेको छ ।
अर्थमन्त्रालयको यो तालले नेपालमा सरकारी निकायहरु सूचना प्रवाहमा कतिसम्म ढिलाई गर्छन् र उनीहरुको डिजीटलमैत्रीको स्तर समेत देखाउने जानकार बताउँछन् ।
सेयर बजारसँग चासो राख्ने एक लगानीकर्ता भन्छन्-'दि सार्वजनिक सञ्चारमाध्यम हुन्थेनन् भने धितोपत्र बोर्डको अध्यक्षका लागि कस–कसले आवेदन दिए भन्ने जानकारी थाहा पाउन ६ दिनसम्म कुनुपर्ने हुने रहेछ । यो त लाजमर्दो भयो । यति सानो सूचना प्रकाशन गर्नलाई समेत परम्परागत शैलीमा फाइल घुम्ने अवस्था देखिनु लज्जाको विषय हो ।'
.png)
.jpg)
.jpg)
.jpg)
.gif)
(1).gif)
.gif)
