मञ्जुश्री फाइनान्सद्वारा १५ प्रतिशत लाभांश वितरणको घोषणा

काठमाण्डौ । मञ्जुश्री फाइनान्स लिमीटेडले १५ प्रतिशत लाभांश वितरणको घोषणा गरेको छ ।  

मंगलबार बसेको फाइनान्सको सञ्चालक समितिको ३१० औं बैठकले १५ प्रतिशत लाभांश वितरणको घोषणा गरेको हो । 

सञ्चालक समितिका अनुसार आर्थिक वर्ष २०८१/८२ को सञ्चित मुनाफा र आ.व. २०८१/८२ को वित्तीय विवरण प्रतिवेदनको आधारमा संस्थाका शेयरधनीहरुलाई हाल कायम चुक्तापुँजीको १५ प्रतिशत नगद लाभांश वितरण गर्ने निर्णय भएको हो । 

हाल यो कम्पनीको चुक्तापूँजी १ अर्ब ३५ करोड १५ लाख रुपैयाँ रहेको छ । यसैको १५ प्रतिशतले हुन आउने रकम लाभांशको रुपमा बाँड्ने निर्णय भएको हो ।  

यो निर्णय नेपाल राष्ट्रबैंकबाट स्वीकृत भई कम्पनीको आगामी वार्षिक साधारणसभाले पारित गरेपछि सेयरधनीले पाउनेछन् ।