.gif)
(1).gif)
.jpg)
.png)
काठमाण्डौ । लक्ष्मी सनराइज बैंकले कार्यस्थलमा समावेशी, समानता र सशक्तिकरणको संस्कृतिलाई प्रवर्द्धन गर्न "Spark '24: Empowering Women in Leadership - Inspire Inclusion"नामक कार्यक्रमको आयोजना गरेको छ ।
उक्त कार्यक्रम राष्ट्रिय मानवअधिकार आयोगका सदस्य लिली थापा , अन्तर्राष्ट्रिय मुद्रा कोषको आवासीय प्रतिनिधि टेरेसा डबान सान्चेज, एफवान सफ्ट ग्रुपका पियुष पौड्याल र भायानेट कम्युनिकेशनका सीईओ सेवा पाठक लगायतको उपस्थितिमा सम्पन्न भएको थियो ।
समापन मन्तव्यमा, लक्ष्मी सनराइज बैंकका प्रमुख कार्यकारी अधिकृत अजय विक्रम शाहले सक्रिय पहलहरूको श्रृंखला मार्फत आफ्ना महिला कर्मचारीहरूको व्यावसायिक विकास र सुस्वास्थ्य अभिवृद्धि गर्न बैंकको अटल प्रतिबद्धता जाहेर गरे। यी पहलहरूले व्यापक मार्गदर्शन कार्यक्रमहरू, लक्षित नेतृत्व प्रशिक्षण, लचिलो कार्य व्यवस्थाहरू, विशेष गरी गर्भावस्थाको समयमा र महत्त्वपूर्ण महिला उपस्थिति भएका कार्यालयहरूमा हेरचाह केन्द्रहरू र स्तनपान कक्षहरूको कार्यान्वयन गर्ने विषयहरु समेटेको बैंकले जनाएको छ ।
‘हामी एक अनुकूल वातावरण प्रदान गर्न प्रयास गर्दैछौ, जसले महिलाहरूलाई व्यक्तिगत र व्यावसायिक रूपमा फस्टाउन सक्षम बनाउँछ। ’ सीईओ शाहले भने।
.gif)
बैंकको समग्र ७ प्रतिशतको टर्नओभरमा बैंकको महिला कर्मचारी टर्नओभर रेसियो १ प्रतिशतभन्दा कम हुनुले समावेशी र सहयोगी कार्यस्थल वातावरण सिर्जना गर्न बैंकको ठोस प्रयासको सकारात्मक परिणामहरू झल्काएको बैंकले जनाएको छ ।
हाल, लक्ष्मी सनराइज बैंकको कुल जनशक्तिको ३६ प्रतिशत महिला छन् । यो संख्या महानगरहरूमा ४५ प्रतिशत रहेको बैंकले जनाएको छ। काठमाडौं उपत्यकामा बैंकका करिब ४० प्रतिशत ब्रान्च म्यानेजरहरु महिला रहेको र २५ प्रतिशत महिलाले बैंकको विभागको नेतृत्व सम्हालिरहेको बैंकले जानकारी दिएको छ ।
सबै सहभागीहरूद्वारा सामूहिक रूपमा सिर्जना गरिएको आधुनिक मिथिला पेन्टिङसँग सहकार्यात्मक नोटका साथ कार्यक्रम समापन भएको थियो ।
लक्ष्मी सनराइज बैंकले आफ्ना २५८ शाखा, ३२१ एटिएम, २८ एक्सटेन्सन काउन्टर, ४१ अन्तर्राष्ट्रिय रेमिटेन्स एजेन्ट र आईटी सक्षम च्यानलहरू मार्फत सेवा प्रदान गरिरहेको छ ।
.gif)
.png)
.gif)
.gif)
.gif)
