सिद्धार्थ बैंकको नाफामा १५०%को उछाल, लाभांश क्षमता २०.१३% पुग्यो

काठमाण्डौ । सिद्धार्थ बैंक लिमिटेडको नाफामा उल्लेख्य सुधार आएको छ । बैंकले आज सार्वजनिक गरेको चालु आवको दोस्रो त्रैमासिक प्रतिवेदनअनुसार बैंकको खुद नाफा १५०.२० प्रतिशतले वृद्धि भएको छ । बैंकले समीक्षा अवधिमा १ अर्ब ३२ करोड रुपैयाँबराबरको खुद नाफा आर्जन गरेको छ । अघिल्लो आवको सोही अवधिसम्म भने बैंकले ५३ करोड २ लाख रुपैयाँबराबरको खुद नाफा आर्जन गरेको थियो ।

बैंकको खुद ब्याज आम्दानी पनि ५.१५ प्रतिशतले बढेको छ । अघिल्लो आवमा ४ अर्ब ११ करोड रुपैयाँ रहको बैंकको खुद ब्याज आम्दानी ४ अर्ब ३२ करोड रुपैयाँ पुगेको छ ।

दोस्रो त्रैमाससम्म बैंकको वितरणयोग्य मुनाफा २ अर्ब ७४ करोड र लाभांश क्षमता २०.१३ प्रतिशत रहेको छ ।

बैंकले खराब कर्जा अनुपात पनि घटाउन सफल भएको छ । अघिल्लो आवमा ४.५० प्रतिशत रहेको बैंकको खराब कर्जा अनुपात घटेर ३.४५ प्रतिशतमा सीमित बनेको छ । कस्ट अफ फण्ड पनि ५.०७ प्रतिशतबाट ३.९० प्रतिशतमा सीमित बनेको छ ।

अघिल्लो आवमा ३.७९ प्रतिशत रहेको रिर्टन अन इक्विटी बढेर ८.५५ प्रतिशत कायम भएको छ । यस्तै बैंकले निक्षेप संकलन २ खर्ब ९० अर्ब र २ खर्ब २५ अर्ब कर्जा प्रवाह गरेको छ ।

समीक्षा अवधिसम्म बैंकको प्रतिसेयर आम्दानी ७.१९ प्रतिशतबाट बढेर १७.९८ प्रतिशत पुगेको छ ।

यसैगरी बैंकको प्रतिसेयर नेटवर्थ २११.२३ रुपैयाँ, प्रतिसेयर कुल सम्पत्तिको मूल्य २ हजार ३६०.८४ रुपैयाँ, मूल्य आम्दानी अनुपात २१.४५ गुणा र तरलता अनुपात ३०.४० प्रतिशत कायम भएको छ ।