एमालेको घोषणापत्रमा महिला सशक्तिकरण प्याकेज, रु. २० लाखको निर्व्याजी ऋण र गर्भवती महिलालाई निःशुल्क जीवन बीमा

काठमाण्डौ । नेकपा एमालेले प्रतिनिधि सभा निर्वाचन २०८२ को चुनावी घोषणापत्र सार्वजनिक गरेको छ ।  

नेकपा एमालेले महिला सशक्तिकरण प्याकेज ल्याउने घोषणापत्रमा उल्लेख छ । जसमा २० लाख रुपैयाँ बराबरको उद्यमी महिला निर्व्याजी  ऋण, २० लाख रुपैयाँ बराबरको सुत्केरी पोषण भत्ता (घरदेखि अस्पतालसम्मको यातायात खर्च दोब्बर) र ५ लाख रुपैयाँसम्मको गर्भवती महिलाको निःशुल्क जीवन बीमा गरिदिने विषय समावेश छ ।  

एमालेले महिला उद्यमशीलता विकास गर्न बैंक तथा वित्तीय संस्थामार्फत २० लाख रुपैयाँसम्मको उद्यमी महिला निव्र्याजी ऋण सुविधा सहजढंगले प्रदान गर्ने र व्यवसाय र ऋणको निःशुल्क बीमा व्यवस्था गर्ने घोषणापत्रमा उल्लेख गरेको छ । 

यसका साथै गर्भवती महिलालाई सुत्केरी हुनुअघि र पछि स्वास्थ्य परीक्षण गर्न प्रदान गरिँदै आएको घरदेखि स्वास्थ्य संस्थासम्मको यातायात खर्च दोब्बर गर्ने प्रतिबद्धता जनाएको छ ।  

त्यस्तै, घट्दो जनसंख्या बृद्धिदरको प्रवृत्ति रोक्न सुत्केरी हुने महिलालाई प्रतिजन्म २० हजार रुपैयाँ मातृशिशु पोषण भत्ता दिने र गर्भवती महिलाका लागि ५ लाख रुपैयाँसम्मको जीवन बीमा निःशुल्क गराइदिने जनाएको छ ।