(2).gif)
.jpg)
.png)
काठमाण्डौ । नेपाली कांग्रेसले आफ्नो चुनावी प्रतिज्ञा पत्रमार्फत कर प्रणालीमा व्यापक सुधार गर्ने घोषणा गरेको छ। पार्टीले सर्वसाधारणलाई करको भारबाट राहत दिने तथा उत्पादन र निर्यातमुखी अर्थतन्त्रलाई प्रोत्साहन गर्ने उद्देश्यसहित नयाँ कर नीति अघि सारेको जनाएको छ।
प्रतिज्ञा पत्रअनुसार व्यक्तिगत आयमा वार्षिक १० लाख रुपैयाँसम्म आयकर लगाइने छैन। त्यसभन्दा माथिको आयमा प्रगतिशील कर प्रणाली लागू गरिने र व्यक्तिगत आयकरको अधिकतम दर २५ प्रतिशतभन्दा नबढाइने उल्लेख गरिएको छ। साथै, वार्षिक १ करोड रुपैयाँभन्दा बढी आम्दानी हुने व्यक्तिहरूका लागि मात्र अतिरिक्त शुल्क लगाइने नीति लिइने जनाइएको छ।
संस्थागततर्फ, आयकर दर क्रमशः घटाउँदै २० प्रतिशतमा झार्ने घोषणा गरिएको छ। वस्तु तथा सेवा निर्यातमा १० प्रतिशत, सूचना प्रविधि (आईटी) निर्यात व्यवसायमा ५ प्रतिशत तथा उत्पादनमुखी उद्योगहरूमा १५ प्रतिशत आयकर कायम गरिने प्रतिबद्धता जनाइएको छ।
यस्तै, विभिन्न नाममा लगाइएका स–साना करहरूलाई मूल्य अभिवृद्धि कर(भ्याट)मा समाहित गरी दायरा विस्तार गर्ने बताइएको छ। भ्याटको दायरा विस्तार गर्दै यसको एकल दर क्रमशः १० प्रतिशतमा झार्ने योजना पनि प्रस्तुत गरिएको छ।
.png)
.jpg)
.jpg)
.jpeg)
(1).jpg)
.jpg)
