भारतमा कारखाना स्थापना गर्ने तयारीमा टेस्ला, २ देखि ३ अर्ब डलर लगानी गर्ने

AUTO
बिहीबार, चैत्र २२,२०८० 10:01:10

काठमाण्डौ । इभी कार निर्माता अमेरिकी कम्पनी टेस्लाले भारतमा कारखाना स्थापना गर्ने भएको छ । एलन मस्कको कम्पनी टेस्लाले यसका लागि भारतमा यो महिना आफ्नो एउटा टीम पठाउने भएको छ । जसले भारतमा २ देखि ३ अर्ब डलरको कारखाना स्थापनाका लागि उपयुक्त ठाउँको पहिचान गर्नेछ ।

बेलायतको फाइनान्सियल टाइम्सले यसबारे जानकारी दिएको हो । रिपोर्टका अनुसार ईभी कार निर्माण कारखानाका लागि उक्त टीमको ध्यान महाराष्ट्र,गुजरात वा तमिलनाडु जस्ता अटोहब राज्यमा केन्द्रित हुन सक्छ । यी राज्यहरुमा बन्दरगाह पनि नजिक पर्ने भएकाले कारखानाका लागि यी स्थानहरु कम्पनीको रोजाइमा पर्ने सक्ने रिपोर्टमा उल्लेख गरिएको छ ।

भारतकोृ केन्द्र सरकारले भारतलाई ईभी उत्पादनको हक बनाउनका लागि नयाँ ईभी नीतिलाई स्वीकृती प्रदान गरेसँगै टेस्लाले भारत प्रवेश गर्ने खबर बाहिरिएको हो । नयाँ ईभी नीतिमा कम्तिमा ४ हजार १५० करोड लगानीको प्रावधान राखिएको छ र अधिकतममा कुनै पनि सीमा तोकिएको छैन ।

नीतिका अनुसार विदेशी कार उत्पादन कम्पनीहरुले भारतमा व्यवसाय सुरु गर्नका लागि ३ वर्षभित्र भारतमा आफ्नो उत्पादन र ईभीको वयवसायिक उत्पादन सुरु गर्नुपर्ने हुन्छ ।

मिडिया रिपोर्टका अनुसार टेस्लाले भारतमा ईभी कारका साथै ब्याट्री स्टोरेज सिस्टम पनि बनाउने र बिक्री गर्ने इच्छा जाहेर गरेको छ । कम्पनीले यसका लागि भारतीय अधिकारीहरु सामु प्रस्ताव पेश गरेका थिए ।

गत वर्ष टेस्ला कम्पनीका सीईओ एलन मस्कले भारतीय प्रधानमन्त्री एलन मस्कसँग भेटवार्ता गरेका थिए । उक्त भेटका क्रममा मस्कले भारत विश्वको अन्य ठूला देशहरुको तुलनामा अधिक सम्भावना भएको देश भएको बताएका थिर्ए ।

टेस्लाले सन् २०२२ मा भारत आउने इच्छा जाहेर गरेको थियो । तर त्यसबेला कम्पनी र भारत सरकारबीच छलफल हुन पाएको थिएन । टेस्लाले भारत सरकारलाई पूर्ण रुपमा एसेम्बल गाडीहरुमाथि लाग्ने गरेको आयात कर १०० प्रतिशतबाट घटाएर ४० प्रतिशत कायम गर्न माग गरेको थियो । कम्पनीले आफुले उत्पादन गर्ने कार लक्जरी कारको श्रेणीमा नपर्ने भएकाले करमा छुटको मा गरेको थियो । कम्पनीले उत्पादन गर्ने कार ईभी श्रेणीमा पर्ने जनाएको थियो ।

तर भारत सरकारले अन्य देशबाट आयात हुने कुनै ईभी कारमा आयात करमा छुट निदिइने आशय व्यक्त गरेको थियो । -एजेन्सी