८ महिनामा साढे ७ खर्बको राजश्व संकलन, आयकरमा सामान्य गिरावट

काठमाण्डौ । चालु आवको ८ महिनासम्ममा साढे ७ खर्ब राजश्व संकलन भएको छ । अर्थमन्त्रालयका अनुसार फागुन मसान्तसम्म ७ खर्ब ५१ अर्ब ८५ करोड ६५ लाख रुपैयाँ बराबरको राजश्व संकलन भएको हो ।  

मन्त्रालयका अनुसार राजश्व संकलन ३ प्रतिशतले बढेको छ भने समग्र राजश्व बढ्दा आयकर भने झिनो घटेको छ ।  

फागुन मसान्तसम्म १ खर्ब ७० अर्ब ९० करोड रुपैयाँ आकयर संकलन भएको छ । यो गत आवको सोही अवधिसम्मको तुलनामा १.४२ प्रतिशत कम हो । गत आवको फागुन मसान्तसम्म १ खर्ब ७३ अर्ब २६ करोड रुपैयाँ बराबरको आयकर संकलन भएको थियो ।    

सो अवधिसम्म भन्सार महसुल, भ्याट, अन्तःशुल्क लगायतका राजश्व बढेको मन्त्रालयले जनाएको छ ।  

ब्याज करमा गिरावट आउदा आयकर घटेको देखिएको छ । सो अवधिसम्म १९ अर्ब ५१ करोड रुपैयाँ ब्याज कर संकलन भएको छ । गत आवको साहेी अवधिसम्म भने २२ खर्ब ५९ करोड ४६ लाख रुपैयाँ ब्याज कर संकलन भएको थियो ।  

फागुन मसान्तसम्म १ खर्ब ५५ अर्ब ९० करोड रुपैयाँ भन्सार महसुल, २ खर्ब २५ अर्ब ५३ करोड रुपैयाँ मूल्य अभिबृद्धि कर संकलन भएको छ ।