काठमाण्डौ उपत्यकाभित्र चल्ने गाडीको भाडा २५.९६% बढाउने

काठमाण्डौ । बागमती प्रदेश सरकारले काठमाडौँ उपत्यकाभित्र चल्ने सार्वजनिक यातायातको भाडा बढाउने निर्णय गरेको छ।

प्रदेशको भाडा निर्धारण समितिको सिफारिसअनुसार उपत्यकाभित्र सञ्चालन हुने यात्रुवाहक सवारीको भाडा २५.९६ प्रतिशतले वृद्धि गरिनेछ भने उपत्यकाबाहिर चल्ने सवारीको भाडा १७.३५ प्रतिशतले बढाइने तयारी गरिएको छ।

हाल काठमाडौँ उपत्यकाभित्र चल्ने सवारी साधनको न्यूनतम भाडा १९.५० रुपैयाँ र अधिकतम ३७.४० रुपैयाँ रहेकोमा अब न्यूनतम भाडा ५ रुपैयाँले बढेर २४.५० रुपैयाँ पुग्नेछ। 

त्यसैगरी अधिकतम भाडा १० रुपैयाँले वृद्धि भई ४७ रुपैयाँ कायम हुने भएको छ।