‘सक्षम सांसद, सशक्त संसद्’ नारासहित रास्वपाको दुईदिने प्रशिक्षण कार्यक्रम

काठमाण्डौं । ‘सक्षम सांसद, सशक्त संसद्’ भन्ने मूल नारासहित राष्ट्रिय स्वतन्त्र पार्टी (रास्वपा) ले आफ्ना सांसदहरूका लागि संसदीय अभ्यास तथा नेतृत्व विकाससम्बन्धी प्रशिक्षण कार्यक्रम शुरु गरेको छ ।

ललितपुरको जावलाखेल मा शनिबार दिउँसो ११ः४५ बजेदेखि सञ्चालन भएको प्रशिक्षणमा पार्टीका सांसद तथा शीर्ष नेताहरूको सहभागिता रहेको छ ।

कार्यक्रममा अर्थमन्त्री तथा पार्टीका उपसभापति स्वर्णीम वाग्ले, महामन्त्रीद्वय कबिन्द्र बुर्लाकोटी र भूपदेव शाह, सहमहामन्त्री विपिन आचार्य लगायत पार्टी पदाधिकारी र सांसदहरू सहभागी भएका छन् ।

रास्वपाका अनुसार प्रशिक्षण कार्यक्रम आइतबारसम्म सञ्चालन हुनेछ । 

कार्यक्रममा संसदीय अभ्यास, नीति निर्माण, नेतृत्व क्षमता विकास तथा प्रभावकारी जनप्रतिनिधित्वका विषयमा छलफल र अभिमुखीकरण गरिने जनाइएको छ ।