सहकारी बचत फिर्ताका लागि ‘एकीकृत बचतकर्ता सुरक्षण कोष’ स्थापना गर्ने

काठमाण्डौं । सरकारले आर्थिक वर्ष २०८३/८४ को नीति तथा कार्यक्रम मार्फत सहकारी बचतकर्ताको रकम फिर्ता प्रक्रियालाई थप व्यवस्थित र प्रभावकारी बनाउन ‘एकीकृत बचतकर्ता सुरक्षण कोष’ स्थापना गर्ने घोषणा गरेको छ । 

सरकारले सहकारी क्षेत्रमा देखिएको समस्या समाधान गर्दै बचतकर्ताको रकम सुरक्षित रूपमा फिर्ता गर्ने उद्देश्यले नयाँ कोष स्थापना गर्न लागेको जनाएको छ ।  

हालसम्म सहकारीको बचत फिर्ताका लागि चक्रीय कोष सञ्चालनमा रहेपनि विभिन्न सहकारी संस्थाका छुट्टाछुट्टै खातामार्फत रकम वितरण हुँदै आएको थियो ।

अब सबै सहकारी बचत फिर्ता प्रक्रियालाई एउटै संरचनाभित्र ल्याई ‘एकीकृत बचतकर्ता सुरक्षण कोष’ मार्फत रकम व्यवस्थापन र वितरण गरिने सरकारको योजना छ ।  

यस कदमले सहकारी पीडित बचतकर्तालाई राहत पुग्ने अपेक्षा गरिएको छ ।