प्रतिनिधिसभा बैठक २ बजे सारियो, दलहरूबीच छलफल जारी

काठमाण्डौं । आज बिहान ११ बजेका लागि बोलाइएको प्रतिनिधिसभा बैठक समय परिवर्तन गर्दै दिउँसो २ बजेका लागि सारिएको छ ।

संसद्भित्र जारी राजनीतिक गतिरोध अन्त्य गर्ने विषयमा सत्तापक्ष र विपक्षी दलहरूबीच सहमति जुटाउने प्रयास जारी रहेकाले तत्काल बैठक सञ्चालन नगरी सूचना टाँस गरी स्थगित गरिएको संसद् सचिवालयले जनाएको छ ।

दलहरूबीच देखिएको मतभेदका कारण लगातार बैठक प्रभावित हुँदै आएको अवस्थामा समाधानका लागि उच्चस्तरीय छलफलहरू भइरहेको र सहमतिको वातावरण बनेपछि मात्र बैठक अघि बढाइने तयारी गरिएको बताइएको छ ।