.gif)
_(1).gif)
.png)
काठमाण्डौ । युवा बैंकरले नेतृत्व हाँकिरहेको कुमारी बैंक लिमीटेडले मुद्दति निक्षेपको ब्याजदरमा नयाँ प्रयोग थालेको छ ।
बैंकले डिजीटल कारोबारलाई प्रोत्साहन गर्ने उद्देश्य तथा समय मागअनुसार नयाँ प्रयोगको थालनी गरेको हो ।
बैंकले बैशाख महिनाका लागि निक्षेप तथा कर्जाको ब्याजदर तोक्दा नयाँ प्रयोगको थालनी गरेको देखिएको छ ।
(1).gif)
कुनै पनि निक्षेपकर्ता स्वयम् बैंकमा उपस्थित भएर(भौतिक रुपमा) मुद्दति निक्षेपमा सहभागी हुँदा र मोवाइल एप प्रयोग गरी मुद्दति निक्षेपमा पैसा जम्मा गर्दाको ब्याजदर फरक फरक तोकिएको छ । जसमा भौतिक रुपमा उपस्थित भएर मुद्दति निक्षेपमा पैसा राख्दा ३ देखि ६ महिना अवधिका लागि ६.५१ प्रतिशत ब्याजदर तोकिएको छ भने मोवाइल एपबाट मुद्दति निक्षेपमा पैसा राख्दा ब्याजदर केही बढी ६.६६ प्रतिशत पाइनेछ।
यस्तै, ६ महिनादेखि १ वर्षे अवधिको मुद्दति निक्षेपका लागि व्यक्ति नै उपस्थित हुँदाको ब्याजदर ७ र मोवाइल एपबाट सहभागी हुँदाको ब्याजदर ७.१५ प्रतिशत,१ वर्ष वा सोभन्दा बढी अवधिका लागि व्यक्ति उपस्थित हुँदा ७.११ प्रतिशत र मोवाइल एपका लागि ७.२६ प्रतिशत ब्याजदर तोकिएको छ ।
मुद्दति निक्षेप तथा रिकरिङ खाताअन्तर्गत १ देखि ५ वर्षे अवधिका लागि व्यक्ति नै बैंकमा पुगेर खोलिने खाताको ब्याजदर ७ तथा मोवाइल एपबाट पैसा जम्मा गर्दाको ब्याजदर ७.१५ प्रतिशत तोकिएको छ ।
यस्तै, बैंकले मुद्दति निक्षेपका लागि निक्षेपकर्ताले पाउने ऋण सुविधामा लाग्ने ब्याजदर पनि सोहीअनुसार फरक पारेको छ । जसअनुसार मोवाइल एपबाटै कर्जा माग गर्नेलाई व्यक्ति स्वयम् उपस्थित भएर गरिने मागभन्दा ०.२५ प्रतिशत कम ब्याजदरमा ऋण उपलब्ध गराइने बैंकले जनाएको छ ।
बैंकका प्रमुख कार्यकारी अधिकृत रामचन्द्र खनालले व्यक्ति स्वयम् उपस्थित भएर मुद्दति निक्षेप खोल्दा कर्मचारी आवश्यक पर्ने भएकोले त्यसको ब्याजदर केही कम र मोवाइल एपबाट रकम जम्मा गर्दा कर्मचारीको कस्ट नपर्ने भएकोले त्यसको ब्याजदर बढी तोकिएको प्रष्ट पारे । यही कारण मोवाइल एपबाट ऋण माग गर्दा पनि कर्मचारीको कस्ट नजोडिने भएकोले ब्याजदर केही सस्तो पर्ने उल्लेख गरे ।
.png)
.jpg)
(1).jpg)
(1).jpg)
.gif)
(1).gif)
.gif)
