विपद् प्रभावितको उद्धार तथा राहतमा सहजीकरण गर्न संसद् सचिवालयबाट २० कर्मचारी परिचालन

काठमाण्डौ ।  हालै मुलुकमा घटेको विपद्बाट प्रभावित नागरिकको उद्धार तथा राहतसम्बन्धी कार्यमा आवश्यक सहजीकरण गर्न संघीय संसद् सचिवालयले २० जना कर्मचारी परिचालन गरेको छ।

नेपाल सरकार, प्रधानमन्त्री तथा मन्त्रिपरिषद्को कार्यालयबाट प्राप्त अनुरोधबमोजिम ती कर्मचारीलाई परिचालन गरिएको संघीय संसद् सचिवालयले जनाएको छ।

परिचालित कर्मचारीहरूलाई भदौ १४ गते बिहान ९ बजे सम्माननीय प्रधानमन्त्रीको निजी सचिवालयमा पठाइएको हो।

विपद्को यस कठिन परिस्थितिमा प्रभावित नागरिकको उद्धार, राहत तथा आवश्यक सहयोग पुर्‍याउने कार्यमा सहजीकरण गर्न संघीय संसद् सचिवालयले आफ्नो तर्फबाट आवश्यक सहयोग तथा समन्वय गर्ने जनाएको छ।