.gif)
_(1).gif)
.png)
काठमाण्डौ । फिनल्याण्डको बहुराष्ट्रिय कम्पनी नोकियाले चालू त्रैमासमा ६५३ करोड डलरबराबरको सेयर बाईब्याक गर्ने जनाएको छ । सन् २०२३ मा कम्पनीको मुनाफामा गिरावट आएसँगै कम्पनीले सेयर बाईब्याकको योजना बनाएको हो ।
आज कम्पनीको सेयरमा ७ प्रतिशतको वृद्धि देखिएको छ ।
(1).gif)
विश्वको सबैभन्दा ठूलो मोबाइल सञ्जाल सामाग्री निर्माण कम्पनी नोकियाले चौथो त्रैमासमा ५.७ अर्ब युरोबराबरको बिक्री गरेको छ । जुन अघिल्लो वर्षको सोहि अवधिको तुलनामा २३ प्रतिशतले कम हो ।
यस्तै, कम्पनीको तुलनायोग्य सञ्चालन मुनाफा पनि २७ प्रतिशतले घट्दै ८४६ करोड युरोमा सीमित भएको छ । ‘सन् २०२३ मा ग्राहकको रोजाईमा व्यापक परिवर्तन आउनुका साथै ब्याजदर समेत वृद्धि भएको छ । जसको प्रभाव हाम्रो उद्योगमा परेको छ ।’ नोकियाका सीईओ पेक्का लुन्डमार्कले भने ।
सीईओ पेक्काले कम्पनीको चुनौतिपूर्ण वातावरण सन् २०२४ मा यथावत रहने बताएका छन् ।
कम्पनीले सन् २०२४ मा तुलनायोग्य सञ्चालन मुनाफा २.३ अर्ब युरो देखि २.९ अर्ब युरोको बीचमा रहने अनुमान गरेको छ ।
दूरसञ्चार अपरेटरहरुले नेटवर्कको खर्चमा कटौति बढाएपछि नोकियाको व्यवसाय प्रभावित बन्न थालेको छ । भारतको नेक्स्ट जेनेरेशन मोबाइल नेटवर्कमा लगानी खन्याएको नोकियाको व्यवसाय भारतमा केहि वर्ष यतादेखि खस्कदै आएको छ । -एजेन्सी
.gif)
.png)
.jpg)
.jpg)
.jpg)
.gif)
(1).gif)
.gif)
