.gif)
(2).gif)
_(1).gif)
.png)
काठमाण्डौ । वैशाख महिनामा घरजग्गा कारोबारमा कमी आएको छ । भूमी व्यवस्थापन तथा अभिलेख विभागको तथ्यांकअनुसार वैशाख महिनामा घरजग्गा कारोबारबाट सरकारले ४ अर्ब २४ करोड ५३ लाख रुपैयाँ राजश्व संकलन गरेको छ । यो रकम चैत महिनाको तुलनामा कम हो । सरकारले चैत महिनामा घरजग्गा कारोबारबाट ४ अर्ब ३१ करोड रुपैयाँ राजश्व संकलन गरेको थियो ।
देशभरका मालपोत कार्यालयबाट वैशाख महिनामा ४९ हजार ७८३ लिखत पारित भएको छ । चैत महिनामा भने ४९ हजार ६१२ वटा लिखत पारित भएको थियो । वैशाख महिनामा इनरुवा मालपोत कार्यालयबाट सबैभन्दा धेरे लिखत पारित भएको छ । इनरुवा मोलपोत कार्यालयबाट वैशाख महिनामा कुल २ हजार ११ वटा लिखत पारि भएको छ । चैतमा भने यो कार्यालयबाट २ हजार ८२ वटा लिखत पारित भएको थियो ।
त्यस्तै सबैभन्दा धेरै लिखित पारित गर्नेमा जनकपुर मालपोत कार्यालय दोस्रो स्थानमा रहेको छ । यो कार्यालयबाट वैशाख महिनामा १ हजार ७६७ वटा लिखत पारित भएको छ । वैशाख महिनामा भद्रपुर मालपोत कार्यालयबाट १ हजार ७२८ वटा लिखत पारित भएको छ ।
.gif)
उपत्यकामा भने भक्तपुर मालपोत कार्यालयबाट सबैभन्दा धेरै लिखत पारित भएको छ । वैशाखमा भक्तपुर मालपोत कार्यालयबाट ९८४ वटा लिखत पारित भएको छ ।
त्यस्तै लगनखेल मालपोत कार्यालयबाट ९५५ र कलंकी मालपोत कार्यालयबाट ६७९ वटा लिखत पारित भएको छ । चैतमा भने लगनखेल र कलंकी मालपोत कार्यालयबाट क्रमशः९५५ र ७३१ वटा लिखत पारित भएको थियो ।
चालु आर्थिक वर्षको १० महिनाको अवधिसम्म भने देशभरका मालपोत कार्यालयबाट ३४ अर्ब ६० करोड रुपैयाँबराबरको राजश्व संकलन भएको भूमी व्यवस्थापन तथा अभिलेख विभागले जनाएको छ ।
.png)
.jpg)
.jpg)
.jpg)
.jpg)
(1).gif)
.gif)
