शनिबार, मंसिर ५,२०८३ 12:48:24
  • शनिबार, मंसिर ५,२०८३ 12:48:24
Global IME Bank Limited

सेयर बजारको सुस्तताले सरकारलाई पनि धक्का, चार महिनामै पुँजीगत लाभकर १ अर्ब ३० करोडले घट्यो

Bizshala
सेयर बजारको सुस्तताले सरकारलाई पनि धक्का, चार महिनामै पुँजीगत लाभकर १ अर्ब ३० करोडले घट्यो
New Office

काठमाण्डौ । सेयर बजारमा देखिएको सुस्तताको असर सरकारी राजस्वमा समेत परेको छ। चालु आर्थिक वर्ष २०८३/८४ को पहिलो चार महिनामा सेयर कारोबारबाट सरकारले प्राप्त गर्ने पुँजीगत लाभकरमा उच्च गिरावट आएको हो।

सीडीएस एण्ड क्लियरिङ लिमिटेड (सीडीएससी) को तथ्यांकअनुसार चालु आर्थिक वर्षको साउनदेखि कात्तिक मसान्तसम्म सरकारले सेयर कारोबारबाट २ अर्ब ७ करोड ७३ लाख रुपैयाँ पुँजीगत लाभकर संकलन गरेको छ।

गत आर्थिक वर्षको सोही अवधिमा यस्तो कर ३ अर्ब ३८ करोड ३३ लाख रुपैयाँ संकलन भएको थियो। यस आधारमा एक वर्षको अन्तरालमा पुँजीगत लाभकर १ अर्ब ३० करोड ६० लाख रुपैयाँ अर्थात् ३८.६ प्रतिशतले घटेको देखिन्छ।

सेयर बजारमा कारोबारको गति कमजोर हुनु, लगानीकर्ताको सक्रियता घट्नु तथा बजारमा अपेक्षित उत्साह नफर्किनुले पुँजीगत लाभकर संकलन प्रभावित भएको देखिन्छ। यद्यपि, लाभकर संकलनमा सेयर कारोबार रकमसँगै लगानीकर्ताले प्राप्त गर्ने करयोग्य नाफाको पनि भूमिका हुन्छ।

CG Motors
Garima Development Bank
IME remit

कात्तिक महिनामा मात्रै सरकारले सेयर कारोबारबाट ३२ करोड ११ लाख रुपैयाँ पुँजीगत लाभकर प्राप्त गरेको छ। गत वर्षको कात्तिकमा ३८ करोड ५ लाख रुपैयाँ संकलन भएकोमा यस वर्ष १५.६१ प्रतिशतले घटेको हो।

दसैँ, तिहारलगायतका चाडपर्वका कारण कात्तिकमा सेयर बजार जम्मा ११ दिन मात्रै खुलेको थियो। महिनामा १९ दिन कारोबार बन्द हुँदा त्यसको प्रत्यक्ष प्रभाव कर संकलनमा परेको देखिन्छ।

यद्यपि, सबै महिनामा पुँजीगत लाभकर घटेको भने छैन। चालु आर्थिक वर्षको भदौ र असोजमा अघिल्लो वर्षको तुलनामा कर संकलन बढेको छ।

भदौमा सरकारले ६३ करोड २७ लाख रुपैयाँ पुँजीगत लाभकर संकलन गरेको थियो। यो रकम अघिल्लो वर्षको सोही महिनाको तुलनामा ५.२० प्रतिशत बढी हो।

त्यस्तै, असोजमा पुँजीगत लाभकर संकलन दोब्बरभन्दा बढीले बढेको थियो। गत वर्ष असोजमा २४ करोड ३९ लाख रुपैयाँ संकलन भएकोमा यस वर्ष ४९ करोड ८६ लाख रुपैयाँ पुगेको छ। यो १०४.४३ प्रतिशतको वृद्धि हो।

तर, साउनमा आएको ठूलो गिरावटले समग्र चार महिनाको कर संकलनलाई नकारात्मक बनाएको छ। गत वर्ष साउनमा २ अर्ब १५ करोड ७५ लाख रुपैयाँ पुँजीगत लाभकर उठेकोमा यस वर्ष ६२ करोड ४९ लाख रुपैयाँ मात्रै संकलन भएको छ। यो ७१.०४ प्रतिशतको गिरावट हो।

Nabil Bank Limited

प्रतिक्रिया

0 प्रतिक्रिया
प्रतिक्रिया फारम तयार हुँदैछ...

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Bizshala
Bizshala
Bizshala
IME remit
Shikhar Insurance
Mahalaxmi Development Bank

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.