.gif)
(2).gif)
_(1).gif)
.png)
काठमाण्डौ । अर्थमन्त्री वर्षमान पुनले समस्यामा परेका सहकारीका बचतकर्तालाई ५ लाख रुपैयाँसम्मको बचत फिर्ता गराउने प्रतिबद्धता जाहेर गरेका छन् ।
बुधबार आगामी आर्थिक वर्षको बजेट सम्बन्धमा आयोजना गरिएको पत्रकार सम्मेलनमा बोल्दै अर्थमन्त्री पुनले यस्तो प्रतिबद्धता जाहेर गरेका हुन् । ‘सहकारी समस्यामा सञ्चालक वा एकाघरका परिवार सदस्यबाट राखिएका सम्पत्ति धितो वा कम्तीमा ५ लाख रुपैयाँ भए पनि बचतकर्ता सदस्यलाई फिर्ता गर्ने प्रस्ताव गरिएको छ, यसले बचत तथा ऋण सहकारीमा देखिएको समस्या समाधानमा हाम्रो सानो कोसिस देखाउँछ ।’ अर्थमन्त्री पुनले भने ।
.gif)
यस्तै मन्त्री पुनले सहकारीमा लागेका लाई निरुत्साहित नहुन र गल्ती गरिएको नठान्न आग्रह गरेका समेत गरे । अर्थमन्त्रीले भने, ‘संविधानले सहकारीलाई एउटा खम्बा मानेको छ, सहकारी क्षेत्रले राम्रो गरेको छ तर केही सहकारीका सिद्धान्त र कानुन विरीत चलेका सहकारीहरुले गर्दा यो क्षेत्र बदनाम भएको छ, यो क्षेत्र सानो पूँजी, सानो श्रम, सानो अनुभव र कारोबारलाई एकीकृत गरेर ठूलो श्रम, ठूलो शक्ति, ठूलो प्रत्यन्त र पूँजी बनाउने माध्यम हो । यो हाम्रो लागि जरुरी छ । त्यसकारण सहकारीकर्ताले निरुत्साहित हुनुपर्ने वा गल्ती नगरेकाहरूले सहकारीमा लागियो, गल्ती गरियो भन्ठान्नु पर्दैन ।’
अर्थमन्त्री पुनले उक्त अवसरमा समस्यामा रहेका सहकारीहरूको छानबिन गर्ने र दोषीलाई कारबाहीको दायरामा ल्याई सुधार गर्दै जाने समेत बताए । हामीले बजेटमा सहकारीलाई संरचनागत र नीतिगत सुधार गर्ने विषय पनि समेटेका छौं’ उनले भने ।
.png)
.jpg)
.jpg)
.jpg)
.jpg)
(1).gif)
.gif)
