.gif)
_(1).gif)
.jpg)
.png)
काठमाण्डौ । निर्जीवन बीमा कम्पनीहरुको व्यवसायमा सामान्य सुधार देखिएको छ । सञ्चालनमा रहेका १४ निर्जीवन बीमा कम्पनीले गत आर्थिक वर्षको तुलनामा ०.३६ प्रतिशतले मात्रै व्यवसाय बढाएका छन् । कम्पनीहरुले चालु आर्थिक वर्षको ११ महिनामा ३६ अर्ब ३२ करोड ९९ लाख रुपैयाँ बीमा शुल्क आर्जन गरेका छन् । यो व्यवसाय गत वर्षको तुलनामा १३ करोड ११ लाख रुपैयाँ मात्रै बढी हो । गत वर्षको यसै अवधिसम्म निर्जीवन बीमकहरुले ३६ अर्ब १९ करोड ८८ लाख रुपैयाँ प्रिमियम संकलन गरेका थिए ।
१४ मध्ये ४ वटा कम्पनीको व्यवसाय गत वर्षको तुलनामा खस्किएको छ भने बाँकी १० वटा कम्पनीले व्यवसाय बढाएका छन् । जेठ महिनासम्ममा शिखर इन्स्योरेन्सले ४ अर्ब ८९ करोड रुपैयाँ बीमा शुल्क आर्जन गरी सर्वाधिक व्यवसाय भित्र्याउने कम्पनी बनेको छ । कम्पनीले मर्जरमा गएका कम्पनीलाई समेत पछि पार्र्दै सबैभन्दा धेरै व्यवसाय भित्र्याएको हो । त्यस्तै, दोस्रो नम्बरमा सगरमाथा लुम्बिनी इन्स्योरेन्सले ४ अर्ब २९ करोड रुपैयाँ बीमा शुल्क आर्जन गरेको छ । सिद्धार्थ प्रिमियर इन्स्योरेन्सले पनि ३ अर्ब ६६ करोड रुपैयाँ प्रिमियम संकलन गरी तेस्रो स्थान ओगटेको छ ।
यसका साथै, हिमालयन एभरेष्ट इन्स्योरेन्सले ३ अर्ब २३ करोड, आइजीआई प्रुडेन्सियल इन्स्योरेन्सले ३ अर्ब २१ करोड, नेको इन्स्योरेन्सले २ अर्ब ८८ करोड, युनाइटेड अजोड इन्स्योरेन्सले २ अर्ब ३८ करोड, एनएलजी इन्स्योरेन्सले २ अर्ब २६ करोड, सानिमा जिआइसी इन्स्योरेन्सले २ अर्ब २१ करोड, दि ओरियण्टल इन्स्योरेन्सले १ अर्ब ७५ करोड, प्रभु इन्स्योरेन्सले १ अर्ब ५६ करोड, राष्ट्रिय बीमा कम्पनीले १ अर्ब ५३ करोड, नेपाल इन्स्योरेन्सले १ अर्ब ४० करोड र नेशनल इन्स्योरेन्सले १ अर्ब १ करोड रुपैयाँ बीमाशुल्क आर्जन गरेको छ । गत वर्षको तुलनामा भने सर्वाधिक दि ओरियण्टल इन्स्योरेन्सले व्यवसाय बढाएको छ ।
(1).gif)
कम्पनीले गत आवको तुलनामा ४०.५६ प्रतिशतले आफ्नो व्यवसाय बढाउन सफल भएको छ । त्यस्तै, दोस्रोमा नेशनल इन्स्योरेन्सले १२.३४ प्रतिशतले व्यवसाय बढाएको छ । गत वर्षको जेठसम्म ९० करोड ७५ लाख रुपैयाँ मात्रै बीमा शुल्क संकलन गरेको नेशनल इन्स्योरेन्सले यस वर्षको जेठसम्म १ अर्ब १ करोड रुपैयाँ प्रिमियम संकलन गरेको छ ।
त्यस्तै, प्रभु इन्स्योरेन्सले पनि ११.१५ प्रतिशतले व्यवसाय बढाएको छ । गत आवको जेठ महिनासम्म १ अर्ब ४० करोड रुपैयाँ प्रिमियम संकलन गरेको सो कम्पनीले यस अवधिसम्म १ अर्ब ५६ करोड रुपैयाँ बीमा शुल्क आर्जन गरेको छ ।
यसका साथै सानिमा जिआइसीले ८.२४ प्रतिशत, नेको इन्स्योरेन्सले ८.०३ प्रतिशत, आइजीआई प्रुडेन्सियल इन्स्योरेन्सले ६.४० प्रतिशत, हिमालयन एभरेष्ट इन्स्योरेन्सको ५.६६ प्रतिशत, एनएलजी इन्स्योरेन्सको ५.२४ प्रतिशत, सगरमाथा लुम्बिनी इन्स्योरेन्सको ५.०२ प्रतिशत र शिखर इन्स्योरेन्सको २.८५ प्रतिशतले व्यवसाय बढेको छ । सरकारी स्वामित्वमा रहेको राष्ट्रिय बीमा कम्पनीसहित चारवटा कम्पनीको भने व्यवसाय गत आवको तुलनामा घटेको छ । सर्वाधिक आरबीसीएलकै ३२.३१ प्रतिशतले घटेको छ ।
गत आवको जेठ महिनासम्ममा २ अर्ब २६ करोड रुपैयाँ प्रिमियम संकलन गरेको सो कम्पनीले यस वर्षको सो अवधिसम्म १ अर्ब ५३ करोड रुपैया मात्रै प्रिमियम संकलन गरेको छ । त्यस्तै, युनाइटेड अजोडको २४.१४ प्रतिशत, सिद्धार्थ प्रिमियर इन्स्योरेन्सको ८.६८ प्रतिशत र नेपाल इन्स्योरेन्सको ०.५८ प्रतिशतले व्यवसाय घटेको छ ।
.gif)
.png)
.jpg)
.png)
.gif)
.gif)
