कुखुराको मासुको मूल्य घट्यो, प्रतिकेजी कति ?

काठमाण्डौ । कुखुराको मासुको भाउ घटेको छ। राष्ट्रिय कुखुरा व्यवसायी संघले साउन ७ गतेदेखि लागू हुनेगरी प्रतिकिलो १५ रूपैयाँले कुखुराको मासुको भाउ घटाएको हो ।

ज्युँदो कुखुराको मूल्य प्रतिकिलो २५० रूपैयाँ र मासुको मूल्य प्रतिकिलो २६० देखि २६५ रूपैयाँ निर्धारण गरिएको छ । यसअघि ज्युँदो कुखुराको मूल्य प्रतिकिलो २६० रूपैयाँ र मासुको मूल्य प्रतिकिलो २७५ देखि २८० रुपैयाँ थियो।

साउन महिनामा मासुको खपत कम हुने भएकाले माग घट्ने भएकाले मूल्यमा कटौती गरिएको राष्ट्रिय कुखुरा व्यवसायी संघले जनाएको छ । कुखुराको मासुको मूल्य संघ र सम्बद्ध अन्य निकायको सहभागितामा तोकिँदै आएको छ।