.gif)
_(1).gif)
.png)
काठमाण्डौ। उपप्रधानमन्त्री एवं अर्थमन्त्री विष्णुप्रसाद पौडेलले वर्तमान अर्थतन्त्रको संकटलाई सम्बोधन गर्ने गरी मौद्रिक नीति आउने बताएका छन्।सोमबार अर्थमन्त्रालयमा नेपाल होटल संघका पदाधिकारीसँगको भेटघाटका क्रममा अर्थमन्त्री पौडेलले अहिलेको अभावलाई सम्बोधन गर्नेगरी केही दिनभित्रै मौद्रिक नीति आउने बताएका हुन्।
(1).gif)
अर्थमन्त्रीका अनुसार मौद्रिक नीतिबारे छलफल चलिरहेको छ। केही दिनभित्र टुंगोमा पुग्छ।
उनले भने,‘वर्तमान अर्थतन्त्रको समस्यालाई सम्बोधन गर्ने गरी मौद्रिक नीति आउँछ। यसमा सबै ढुक्क हुनुहोस्। तपाइँहरूले राख्नुभएका समस्याहरूमध्ये मौद्रिक नीतिमा छलफल गरिरहेको छौँ। केही दिनभित्र टुंगोमा पुग्छ।’
यस्तै,पोखरा अन्तर्राष्ट्रिय विमानस्थल र गौतमबुद्ध अन्तर्राष्ट्रिय विमानस्थलबारे आवश्यक छलफल गरेर सञ्चालन गर्ने उनले बताए।
अर्थमन्त्रीसँगको भेटमा हानका अध्यक्ष विनायक साहले ३०/३५ लाख पर्यटकलाई सेवा दिन सक्ने भए पनि बर्सेनि १० लाख भन्दा बढी पर्यटक नआएको भन्दै धेरै भन्दा धेरै पर्यटक आउने वातावरण मिलाउन आग्रह गरे। होटल व्यवसायीहरूले बैंकबाट लिएको ऋण तिर्ने समय आउँदो मौद्रिक नीतिबाट थप गरिदिन समेत उनले आग्रह गरे।
.gif)
.png)
.png)
.jpg)
.gif)
(1).gif)
.gif)
