.gif)
_(1).gif)
(2).jpg)
.png)
काठमाण्डौ । ग्लोबल आइएमई बैंक लिमटिेडको प्रमुख कार्यकारी अधिकृत(सीईओ)मा सुरेन्द्रराज रेग्मी नियुक्त भएका छन् । बैंकको साउन १० गते बसेको सञ्चालक समितिको बैठकले रेग्मीलाई बैंकको सीईओमा नियुक्त गर्ने निर्णय गरेको हो ।
रेग्मीलाई आगामी भदौ १ गतेदेखि लागू हुनेगरी सीईओ नियुक्त गर्ने निर्णय भएको बैंकले जनाएको छ । रेग्मी हाल बैंकमा वरिष्ठ डेप्युटी सीईओको रुपमा कार्यरत छन् ।
सुरेन्द्रराज रेग्मी सन् २००८ मा ग्लोबल आईएमई बैंकमा आबद्ध भएका थिए। आफ्नो कार्यकालमा उनीसँग प्रमुख ऋण अधिकृत, प्रमुख सञ्चालन अधिकृत र प्रमुख व्यवसाय अधिकृत जस्ता विभिन्न नेतृत्वदायी भूमिकामा काम गरेको अनुभव छ। रेग्मीसँग ३५ वर्षभन्दा बढी बैंकिङ अनुभव रहेको छ । उनले युनिभर्सिटी अफ वेल्स, बाङ्गोर, बेलायतबाट अर्थशास्त्रमा डिग्री र एमबीए गरेका छन्।
(1).gif)
बैंकका वरिष्ठ उपप्रमुख कार्यकारी अधिकृतको हैसियतमा रेग्मीले कर्पोरेट ऋण, इन्फ्रा प्रोजेक्ट फाइनान्सिङ, ट्रेड फाइनान्स÷ग्यारेन्टी प्रवर्द्धन मार्केटिङ, वित्त र योजना, ट्रेजरी इन्टरनेशनल बैंकिङ, रिकभरी, मानव संसाधन, कर्पोरेट कम्युनिकेसन र लागत अनुकूलनका लागि अन्य सामान्य प्रशासन जिम्मेवारी पनि बहन गरिसकेका छन् । उनले बैंकको प्रमुख सूचना अधिकारीका साथै फर्स्ट माइक्रोफाइनान्स लघुवित्त वित्तीय संस्था लिमिटेडको अध्यक्ष र बैंकको प्रतिनिधित्व गर्दै नेशनल बैंकिङ इन्स्टिच्युटको सञ्चालकको रुपमा पनि काम गरिसकेका छन् ।
यस्तै बैंकको आजै बसेको सञ्चालक समितिको बैठकले रिक्त रहेको स्वतन्त्र सञ्चालक पदमा भागिरथी भट्टराई ज्ञवालीलाई नियुक्त गर्ने निर्णय गरेको छ । त्रिभुवन विश्वविद्यालयबाट जनप्रशासन र अर्थशास्त्रमा स्नातकोत्तर गरेकी ज्ञवाली लामो समयदेखि अध्यापन र बिभिन्न संघ संस्थामा संलग्न छिन् ।
.gif)
.png)
.jpg)
.png)
.jpg)
.gif)
.gif)
