.gif)
_(1).gif)
.png)
.png)
काठमाण्डौ । गत आर्थिक वर्ष २०८०/८१ मा ६४ अर्ब बढी प्रत्यक्ष विदेशी लगानी (एफडीआइ) प्रतिबद्धता आएको छ । एक वर्षको अवधिमा ५२ देशबाट ६४ अर्ब २४ करोड ३० लाख रुपैयाँबराबरको प्रत्यक्ष विदेशी लगानीको प्रतिबद्धता भएको हो ।
सबेभन्दा धेरै लगानीको प्रतिबद्धता चीनबाट भएको छ । चीनले २३ अर्ब ९१ करोड ६७ लाख रुपैयाँबराबरको लगानी प्रतिबद्धता गरेको छ । त्यस्तै केम्यान टापुहरुबाट १३ अर्ब १० करोड रुपैयाँबराबरको लगानीको प्रतिबद्धता आएको छ । तेस्रो स्थानमा कोरियाबाट १२ अर्ब ९६ करोडको लगानीको प्रतिबद्धता आएको छ ।
(1).gif)
यस्तै भारतबाट ३ अर्ब ५ करोड रुपैयाँ, अष्ट्रेलियाबाट ३ अर्ब ४ करोड रुपैयाँ, अमेरिकाबाट १ अर्ब ७५ करोड, बेलायतबाट १ अर्ब ४९ करोड, सिंगापुरबाट १ अर्ब ४५ करोड र स्पेनबाट ५२ करोड रुपैयाँबराबरको प्रतिबद्धता आएको छ ।
यसैगरी भियतनामबाट ३० करोड, श्रीलंकाबाट २२ करोड २५ लाख, जापानबाट २० करोड ३० लाख, नेदरल्याण्डबाट १८ करोड ४४ लाख र बंगलादेशबाट १८ करोड रुपैयाँबराबरको प्रतिबद्धता आएको छ । यो अवधिमा सबैभन्दा कममा टर्की, नर्वे, इटाली, डेनमार्क, पाकिस्ता, आयरल्याण्डलगायत २१ मुलुकबाट प्रति मुलुक २ करोड रुपैयाँबरारबको लगानीको प्रतिबद्धता आएको छ ।
यसअघि आर्थिक वर्ष २०७१/०७२ मा ६७ अर्ब ४५ करोड रुपैयाँ लगानी प्रतिबद्धता आएको थियो ।
गत आर्थिक वर्ष नेपालमा कुल ७ अर्ब ७६ करोड ८६ लाख रुपैयाँ विदेशी लगानी भित्रिएको छ । तर १ अर्ब ८० करोड ७३ लाख रुपैयाँबराबर पुरानो लगानी बाहिरिएकाले खुद विदेशी लगानी ५ अर्ब ९६ करोड १३ लाख रुपैयाँ रहेका छ ।
.png)
.jpg)
.jpg)
.jpg)
.jpg)
.jpg)
.gif)
(1).gif)
.gif)
