.gif)
_(1).gif)
.png)
.png)
काठमाण्डौ । दोश्रो बजारमा अन्तिम कारोबार मूल्य प्रतिकित्ता १२५३ रुपैयाँ रहेको हिमालयन लघुवित्त वित्तीय संस्था लिमीटेडले आर्थिक वर्ष २०८०-८१ को चौथो त्रैमाससम्ममा जम्माजम्मी २ रुपैयाँ ३६ पैसा प्रतिसेयर आम्दानी गरेको छ । यो कम्पनीको अघिल्लो वर्षको यही अवधिमा ३ रुपैयाँ १४ पैसा इपीएस रहेको थियो ।
पछिल्लो समय बढिरहेको बजारमा कमजोर वित्तीय अवस्था रहेका कम्पनीमा खेलाडीहरुले तीव्र चलखेल गरिरहेका छन् । प्रतिसेयर आम्दानी र प्रतिसेयर नेटवर्थमा पछाडि परेका कम्पनीहरुमा कर्नरिङ गरी मूल्य बढाउने खेल भइरहेको देखिन्छ । हिमालयन लघुवित्तको रिपोर्ट र यसको दोश्रो बजार मूल्यबीच पनि खासै तालमेल देखिन्न ।
(1).gif)
चुक्तापूँजी ३२ करोड हाराहारीमा रहेको यो कम्पनीको वितरणयोग्य मुनाफा करिब २३ लाख रुपैयाँले नेगेटिभ बन्न पुगेको छ ।
चौथो त्रैमाससम्ममा यो कम्पनीको प्रतिसेयर नेटवर्थ १२३ रुपैयाँ ५७ पैसा मात्र छ ।
अघिल्लो वर्ष २.३७ प्रतिशत रहेको खराब कर्जाको अनुपात बढेर यो वर्ष ३.६५ प्रतिशत पुगेका कारण कमाएको पैसा प्रभिजनमा राख्नुपर्दा नाफा घटी इपीएसमा हिट गरेको प्रष्टै देखिन्छ ।
समीक्षा अवधिमा यो कम्पनीले ७५ लाख ५० हजार रुपैयाँ खूद नाफा कमाएको छ । अघिल्लो वर्ष १ करोड बढी थियो ।
यो लघुवित्तले सम्भावित घाटा तथा जोखिम व्यवस्थापनका लागि २ करोड ६१ लाख ९४ हजार रुपैयाँ इम्पेयरमेन्ट चार्जको रुपमा छुट्याएको छ । अघिल्लो वर्ष भने १ करोड ७० लाख रुपैयाँ मात्र छुट्याएको थियो ।
अघिल्लो वर्ष २ करोड ७ लाखमा सीमित खूद ब्याज आम्दानी बढेर २ करोड ३७ लाखको उचाईमा पुगेको देखिन्छ भने १ करोड ३० लाख रहेको सञ्चालन मुनाफा घटेर १ करोड ८ लाखमा सीमित बनेको छ ।
.png)
(1).jpg)
.gif)
(1).gif)
.gif)
