.gif)
_(1).gif)
.png)
काठमाण्डौ । मुक्तिनाथ कृषि कम्पनीको छैठौं वार्षिकोत्सव सम्पन्न भएको छ । वार्षिकोत्सवको उपलक्षयमा नेपाल सरकारले घोषणा गरेको ‘कृषिमा लगानी दशक’ अनुरुप कार्यत्रपत्र प्रस्तुती गरिएको छ ।
सरकारी, गैरसरकारी, नीजि र सहकारी क्षेत्रले खेल्नुपर्ने भूमिकाको सम्बन्धमा कृषि तथा पशुपन्छि विकास मन्त्रालयका मन्त्रि रामनाथ अधिकारीको प्रमुख आतिथ्यता र राष्ट्रिय योजना आयोग, राष्ट्रिय किसान आयोग, गाउँपालिका महासंघ, नगरपालिका संघ, राष्ट्रिय सहकारी महासंघ, उद्योग वाणिज्य महासंघ, विकास साझेदार र कृषि क्षेत्रका विभिन्न २५० भन्दा बढि सरोकारवालाहरुको उपस्थितिमा कार्यत्रपत्र प्रस्तुती सहित विभिन्न क्षेत्रका वक्ताहरुले कार्यपत्रमाथि धारणा राखेका थिए ।
(1).gif)
उक्त अवसरमा मन्त्रि अधिकारीले न्यून आय भएका किसान र सरकारबीच जोडि कृषकहरुको आयस्तर वृद्धि गर्नको लागि नीजि क्षेत्र र सहकारीको भूमिका महत्वपूर्ण हुने धारणा राख्दै नीजि क्षेत्रको लगानीलाई आकर्षित गर्न नेपाल सरकार प्रतिवद्ध रहेको जानकारी दिए ।
त्यस्तै उनले रैथाने खाद्यान्नको प्रवर्द्धन गर्ने, रासायनिक विषादीको प्रयोगलाई न्यूनिकरण गरी स्वच्छ उत्पादन गर्ने, अनुदान प्रणालीलाई व्यवस्थित र संस्थागत गर्ने र चक्लाबन्दि र सामुहिक खेतिलाई प्रवर्द्धन गर्ने मुख्य प्राथमिकतामा राखेको जानकारी दिए ।
त्यस्तै, कार्यपत्र माथि आफ्ना दृष्टिकोण राख्ने क्रममा वक्ताहरुले संघ सरकार नीतिगत व्यवस्थापनमा, प्रदेश सरकारहरु औद्योगिक आयोजनाको विकासमा, स्थानिय सरकारहरु उत्पादन र वितरणमा, नीजि क्षेत्र प्रविधि प्रसार, उद्योगहरुको सञ्चालन तथा व्यवस्थापन र बजारीकरणमा, सहकारी क्षेत्र कृषक र उपभोक्ताहरुलाई तल्लो तहसम्म सेवा प्रदान गर्ने संस्थागत संरचनाको रुपमा र विकास साझेदारहरु क्षमता अभिवृद्धि र सामाजिक विकासमा लाग्नुपर्ने विषयमा जोड दिएका थिए ।
त्यस्तै, राष्ट्रिय योजना आयोगका सदस्य डा. जय वहादुर टण्डनले नीजि क्षेत्रको लगानीलाई आकर्षण गर्न बलियो नियमनकारी निकाय आवश्यकताको विषय उचित रहेको बताउँदै यसलाई छलफलमा ल्याउनु पर्नेमा जोड दिए ।
.gif)
.png)
.jpg)
.png)
.jpg)
.jpg)
.gif)
.gif)
