कर्णाली डेभलपमेन्ट बैंकको नाफा ७३.९९% ले घट्यो, खुद ब्याज आम्दानीमा पनि ३६% को गिरावट

BANKING
बिहीबार, भाद्र २०,२०८१ 08:45:52

काठमाण्डौ । कर्णाली डेभलपमेन्ट बैंक लिमिटेडले गत आर्थिक वर्षको चौथो त्रैमासको अपरिष्कृत वित्तीय विवरण सार्वजनिक गरेको छ । जसअनुसार बैंकले १ करोड १५ लाख रुपैयाँ खुद नाफा कमाएको छ । यो रकम गत आवको सोहि अवधिको तुलनामा ७३.९९ प्रतिशतले कम हो । अघिल्लो आवको चौथो त्रैमाससम्म बैंकले ४ करोड ४३ लाख रुपैयाँ खुद नाफा आर्जन गरेको थियो ।

चौथो त्रैमाससम्म बैंकले १० करोड ४४ लाख रुपैयाँ खुद ब्याज आम्दानी गरेको छ । यो रकम अघिल्लो आवको सोहि अवधिको तुलनामा ३६.६२ प्रतिशतले कम हो । अघिल्लो आवमा कम्पनीले १६ करोड ४८ लाख रुपैयाँबराबरको खुद ब्याज आम्दानी गरेको थियो । बैंकको खुद सञ्चालन आम्दानी १३ करोड ६३ लाख रुपैयाँबराबर रहेको छ । त्यस्तै सञ्चालन मुनाफा पनि ७३.९९ प्रतिशतले घटेर १ करोड १५ लाख रुपैयाँमा सीमित बनेको छ ।

त्यस्तै बैंकको रिटेन्ड अर्निङ १५ करोड ३३ लाख रुपैयाँले ऋणात्मक अवस्थामा छ र रिजर्भको आकार ४ करोड ९७ लाख रुपैयाँ रहेको छ । समीक्षा अवधिसम्म ५ अर्ब ७ करोड रुपैयाँ निक्षेप संकलन गरेको बैंकले ३ अर्ब ४३ करोड रुपैयाँ कर्जा प्रवाह गरेको छ । बैंकको वितरणयोग्य मुनाफा १५ करोड ३३ लाख रुपैयाँले ऋणात्मक अवस्थामा छ ।

समीक्षा अवधिसम्म बैंकको खराब कर्जा अनुपात वृद्धि भएको छ । अघिल्लो आवको चौथो त्रैमाससम्म ३.९२ प्रतिशत रहेको खराब कर्जा अनुपात बढेर ७ प्रतिशत पुगेको छ । बैंकको प्रतिसेयर आम्दानी(ईपीएस) २.२९ रुपैयाँ, मूल्य आम्दानी अनुपात २२४.७२ गुणा, प्रतिसेयर नेटवर्थ ७९.४९ रुपैयाँ, प्रतिसेयर कुल सम्पत्तिको मूल्य १ हजार १३०.८३ रुपैयाँ, र तरलता अनुपात ३९.१० प्रतिशत रहेको छ ।