.gif)
(2).gif)
.jpg)
_(1).gif)
.png)
काठमाण्डौ । सरकारी कर्मचारीको रुपमा कार्यरत रहे पनि खाजा, महत्वपूर्ण बैठक वा यस्तै यस्तै बाहानामा सेवाग्राहीलाई असर पार्ने क्रम तीव्र भएपछि सरकार एक्सनमा उत्रिएको छ ।
सरकारी कार्यालयमा कर्मचारीहरुको खाजा समय लामो हुँदा सेवाग्राहीलाई असर परेको गुनासो बढ्न थालेपछि प्रधानमन्त्री तथा मन्त्रीपरिषद कार्यालयले खाजा खाने समयलाई घटाएर आधा घण्टामा सीमित गरिदिएको छ ।
.gif)
प्रधानमन्त्री केपी शर्मा ओलीको निजी सचिवालयमार्फत प्रेषित सन्देशमा भनिएको छ-'खाजा पनि खानु पर्छ, तर खाजा खाने नाममा धेरै समय कार्यालयको काम रोकिनु हुँदैन। अब सरकारी कार्यालयमा खाजा समय एक घण्टाबाट घटाएर हरेक दिन १ः३० देखि २ बजेसम्म कायम गरिएको छ। कार्यालयको खाजा समयबारे यदि यस नियमलाई उल्लंघन गरेको पाइएमा हेल्लो सरकारमा कम्प्लेन गर्न अनुरोध छ।'
यसअघि सरकारी कर्मचारीले १ बजेदेखि २ बजेसम्म १ घण्टाको खाजा समय पाउथे । तर कतिपयले खाजाको नाममा १ घण्टाभन्दा बढी समय कार्यालय बाहिरै बिताउँथे । यो समयमा आफ्नो व्यक्तिगत काम गर्ने प्रवृति समेत बढ्दो थियो । यिनै विकृति अन्त्यका लागि सरकारले खाजा समय घटाएर आधा घण्टा कायम गरेको र कामचोर कर्मचारीप्रति कठोर बन्ने संकेत देखाएको हो ।
यसैबीच, सरकारी कर्मचारीले कार्यालय समयमै आफ्नो कामभन्दा बढी सेयर बजारमा चासो दिन थालेपछि र सेयर कारोबारमा समय बिताउन थालेपछि यसलाई समेत नियन्त्रण गर्ने गृहकार्य थालिएको छ ।
प्रधानमन्त्री कार्यालयस्थित एक उच्च स्रोतका अनुसार निकट भविष्यमै सरकारी कार्यालयबाट कार्यालय समयमा सेयर कारोबारमा बन्देज लगाउने निर्देशन जारी हुनेछ । यसको सुरुवात सिंहदरबारबाट हुनेछ । सिंहदरबारमा रहेका विभिन्न मन्त्रालयमा कार्यरत कर्मचारीहरुको कम्प्युटर, ल्यापटप तथा उनीहरुले आफ्नो निजी डिभाइसबाट चलाउने वाईफाईबाट टिएमएस तथा नेप्सेको वेबसाइट नै नचल्ने सिस्टमको विकास गर्न लागिएको स्रोतको भनाई छ ।
.png)
.jpg)
.jpg)
.png)
(1).gif)
.gif)
