.gif)
(1).gif)
.png)
काठमाण्डौ । कृषि विकास बैंकले तनहुँको विद्यालयलाई स्यानीटरी प्याड तथा सोको भेण्डिङ्ग मेशिन लगायत विविध शैक्षिक सामग्रीहरु वितरण गरेको छ ।
बैंकले भानु नगरपालिका–८, देउरालीटारस्थित निर्जला आधारभूत विद्यालयका छात्राहरुको नियमित पठनपाठनमा सहजताको निम्ति हिजो भदौ १८ गते उक्त सामग्रीहरु वितरण गरेको हो । काठमाण्डौ युनिभर्सिटी स्कुल अफ म्यानेजमेन्टका विद्यार्थीहरुको ‘परिवर्तन’ नामक सोसल एक्सपेरियन्स प्रोजेक्टले कृषि बिकास बैंक लिमिटेडको संस्थागत सामाजिक उत्तरदायित्व अन्तर्गतको सहयोगबाट उक्त सामग्रीहरु वितरण गरिएको हो ।
.gif)
काठमाण्डौ युनिभर्सिटी स्कुल अफ म्यानेजमेन्टमा बीबीए अध्ययनरत उन्नती जोशी, समिक्षा घिमिरे, रोजिका थापा र आर्जु जोन्छेको सक्रियतामा उक्त विद्यालयका छात्राहरुका निम्ति सो सहयोग गरिएको बैंकले जनाएको छ ।
कार्यक्रममा विद्यालय व्यवस्थापन समितिका अध्यक्ष एवं भानु–८ का वडा अध्यक्ष ईश्वर बहादुर घिमिरे, निमित्त प्रधानाध्यापक आस हहादुर घिमिरे, कृषि बिकास बैंक लिमिटेड डुम्रे शाखाका प्रबन्धक अरुण पौड्याल, सहायक राम चन्द्र बास्तोला, विद्यालयका शिक्षकहरु, अभिभावकहरु, शिक्षाप्रेमी तथा समाजसेवी व्यक्तिहरुको सहभागिता रहेको थियो ।
.gif)
.png)
.jpg)
.jpg)
.gif)
.gif)
.gif)
