.gif)
_(1).gif)
.png)
काठमाण्डौ । यो साता सेयर बजारमा ५ दिन कारोबार भयो । पाँच दिनमा बजार ४ दिन बढ्यो भने १ दिन घट्यो ।
अघिल्लो साता २०६७.०१ मा बन्द भएको बजार यो साता २०९६.३२ मा बन्द भयो । यस हिसाबले यो साता दोस्रो बजारमा २९.३१ अंकले बढोत्तरी भयो । अघिल्लो साता भने बजार १७ अंकले घटेको थियो ।
यो साता दोस्रो बजारमा १४.३० अर्बको कारोबार भयो । अघिल्लो साता भने दोस्रो बजारमा २३.४२ अर्बको कारोबार भएको थियो । यस हिसाबले यो साता दोस्रो बजारमा नेप्से परिसूचक बढ्यो भने सेयर कारोबार घट्यो ।
(1).gif)
यो साता बजार पूँजीकरण ३२ खर्ब ९५ अर्ब रुपैयाँ पुगेको छ । यस्तो बजार पूँजीकरण अघिल्लो साता ३२ खर्ब ४८ अर्ब रुपैयाँ थियो । यस हिसाबले यो साता २९.३१ अंकले बजार बढ्दा बजार पूँजीकरण ४७ अर्बले बढ्यो अर्थात लगानीकर्ताको सम्पत्ति ४७ अर्बले बढ्यो ।
प्राविधिक पक्ष
इलिअट वेभमा विभिन्न डिग्रीहरु हुने गर्छन । त्यस्ता डिग्रीहरु साना ठूला गरेर एकदिनदेखि एकसय बर्षसम्मको समय अबधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक फरक वेभ हुन्छन भने तल जान ३ वेभ हुन्छन् । माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ए हो । वेभ ए, बी, सी ले मूल्य तथा सूचक तल जाने संकेत गर्छ ।
इलिअट वेभमार्फत हेर्दा यो साता पनि बजारमा अघिल्लो साता जस्तै इलिअट वेभको सानो समय अवधिको एबीसी चक्र नै चलेको देखिन्छ । खासगरी यो साता वेभ सीको नै सम्भावना बढी देखिन्छ । यो भनेको बजार करिब करिब एक तहको बटम लेभलमा आएको छ भन्ने हो । तर सामान्य अवस्थामा वेभ सीमा बजारको करेक्सन १९९० आसपाससम्म हुने हो ।
तर यो साता बजारले २०६० मा सपोर्ट लिएर २०९६ को विन्दुमा बन्द भएको छ । बजारलाई डाउ थेउरीमार्फत नियाल्दा पनि बजारले २१२१ को विन्दु भन्दा माथि गएर नयाँ हाएर हाई बनाउन पनि सकेको अबस्था छैन । २०६० भन्दा तल खसेर नयाँ लोअर लो पनि बनाउन सकेको अबस्था पनि छैन ।
बजारलाई इलिअट वेभ र डाउ थेउरी दुबै माध्यमबाट हेर्दा यो सात बजारमा लगानीकर्ता पर्ख र हेरको अवस्थामा रहेका देखिन्छ । यसकारण यदि बजार आगामी कारोबारमा २१२१ भन्दा माथि लाग्यो भने वेभ सी ‘टङकेटिभ ’ भयो र बजारले यहीँ नै हालको करेक्सनको बटम मान्न सकिन्छ । तर बजार २०६० बाट पुनः तल खस्यो भने बजारले हालको विन्दुबाट करिब एकसय अंक गुमाउन सक्छ ।
(माथि मूख्य तस्विरमा हेर्नुस्)
बोलिङ्गर, म्याक्डी र आरएसआई
साप्ताहिक रुपमा बोलिङ्गर ब्यान्डबाट बजारलाई नियाल्दा अघिल्लो २ साता घटेको बजार यो साता बढेको छ । बजारले अपरब्यान्ड छुन पनि सकेको अबस्था छैन भने मध्य ब्यान्डतर्फ आकर्षित हुन सकेको अवस्था पनि छैन ।
यस हिसाबले बजारमा साइडवेज चलेको देखिन्छ । यो साता बजार बढ्दा भोलुम घटेको छ । म्याक्डीमार्फत हेर्दा अघिल्लो महिना बनेको बुलिस क्रसओभर भ्यालिड नै रहेको छ ।
लामो समयदेखि साप्ताहिक रुपमा आरएसआई ६० भन्दा माथि जान सकेको छैन । समग्र तीनवटै इण्डिकेटरबाट हेर्दा बजारमा साइडवेज चलेको र प्रष्ट दिसा पक्रन नसकेको देखिन्छ ।
पिभट विश्लेषण
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतार चढाव निकालिन्छ।
अब बजार बढेमा प्रतिरोध
प्रतिरोध ३ –२१७८
प्रतिरोध २ –२१५४
प्रतिरोध १– २११०
पिभट प्वाइन्ट: २०७८
घटेमा सपोर्ट
सपोर्ट १– २०४३
सपोर्ट २– २०१९
सपोर्ट ३ –१९७५
निश्कर्ष
यो साता पाँच कारोबार दिनमा बजार ४ दिन बढ्यो भने एकदिन घट्यो । समग्रमा बजारमा २९.३१ अंकको बढोत्तरी आयो । अर्थात नेप्से सूचक बढ्यो भने र कारोबारमा बढोत्तरी आयो । अघिल्लो साताको तुलनामा यो साता बजार पुँजीकरणमा पनि ४७ अर्बले बढ्यो ।
बजारलाई डाउ थेउरीमार्फत नियाल्दा यो साता २१२१ को विन्दुभन्दा माथि बन्द भएर नयाँ हायर हाई बनाउन पनि सकेको अवस्था छैन । २०६० भन्दा तल खसेर नयाँ लोअर लो पनि बनाउन सकेको अवस्था पनि छैन । यस हिसाबले बजारलाई इलिअट वेभ र डाउ थेउरी दुवै माध्यमबाट हेर्दा यो साता बजारमा लगानीकर्ता पर्ख र हेरको अवस्थामा रहेको देखिन्छ । यसर्थ यदि बजार आगामी कारोबारमा २१२१ भन्दा माथि लाग्यो भने वेभ सी ‘टङकेटिभ’ भयो र बजारले यहीँ नै हालको करेक्सनको बटम मान्न सकिन्छ । तर बजार २०६० बाट पुनः तल खस्यो भने बजारले हालको विन्दुबाट करिब एकसय अंक गुमाउन पनि सक्छ ।
(नोट:सेयर बजारमा लगानी जोखिमपूर्ण हुन्छ । यो विश्लेषण कारोबारको कुनै सिफारिस भने होइन ।)
.gif)
.jpg)
(1).jpg)
(1).gif)
.gif)
