घट्यो पेट्रोल र डिजलको मूल्य

काठमाण्डौ । नेपाल आयल निगमले पेट्रोलियम पदार्थको मूल्य घटाएको छ ।  

आइतबार मध्यरातिदेखि लागू हुने गरी निगमले पेट्रोलको मूल्य प्रतिलिटरमा रु. ४ र डिजेलको मूल्य प्रतिलिटर ५ रुपैयाँले घटाएको हो । 

मूल्य समायोजनसँगै पेट्रोलको नयाँ मूल्य अब प्रतिलिटर १५९ रुपैयाँ तथा डिजलको मूल्य १४९ रुपैयाँ कायम भएको छ । 

इण्डियन आयल कर्पोरेसन(आईओसी)ले आजै नयाँ मूल्यसूची पठाएको र सोहीअनुसार पेट्रोल र डिजलको मूल्य घटाइएको निगमले विज्ञप्तिमार्फत प्रष्ट्याएको छ ।