वाणिज्य बैंकहरुले एक महिनामै कमाए रु.९.१७ अर्ब, सबैभन्दा बढी ग्लोबल आइएमई बैंकको

काठमाण्डौ । वाणिज्य बैंकहरुले एक महिनामै ९ अर्ब भन्दा बढी नाफा कमाएका छन् । नेपाल राष्ट्र बैंकका अनुसार २० वटा वाणिज्य बैंकले चालु आवको साउन महिनामा ९ अर्ब १७ करोड ६१ लाख रुपैयाँ नाफा आर्जन गरेका छन् ।  

साउनमा सर्वाधिक नाफा कमाउनेमा ग्लोबल आइएमई बैंक रहेको छ । बैंकले ८९ करोड २४ लाख रुपैयाँ नाफा आर्जन गरी सबैभन्दा बढी नाफा कमाउने बैंक बनेको छ । त्यस्तै, नबिल बैंकले पनि ८० करोड ३३ लाख रुपैयाँ नाफा आर्जन गरी दोस्रो स्थान ओगट्न सफल भएको छ ।  

यसका साथै कृषि विकास बैंकले ७१ करोड २० लाख, हिमालयन बैकले ५८ करोड ८० लाख, नेपाल इन्भेष्टमेन्ट मेगा बैंकले ५७ करोड ७५ लाख, प्रभु बैंकले ५३ करोड ८० लाख, प्राइम कमर्सियल बैंकले ५० करोड ५५ लाख, कुमारी बैंकले ५० करोड ३५ लाख, लक्ष्मी सनराइज बैंकले ४३ करोड ३२ लाख, एनएमबी बैंकले ४२ करोड ७२ लाख, एभरेष्ट बैंकले ४२ करोड ७२ लाख रुपैयाँ र सानिमा बैंकले ३८ करोड २६ लाख रुपैयाँ नाफा आर्जन गरेको छ ।  

त्यस्तै, राष्ट्रिय वाणिज्य बैंकले ३६ करोड ६ लाख, सिद्धार्थ बैंकले ३४ करोड ८८ लाख, सिटिजन्स बैंकले ३४ करोड २२ लाख, नेपाल एसबीआई बैंकले ३३ करोड ३३ लाख, स्ट्याण्डर्ड चार्टर्ड बैंकले ३१ करोड १५ लाख, एनआइसी एशिया बैंकले २६ करोड ६३ लाख, नेपाल बैंकले २० करोड २४ लाख र माछापुच्छ्रे बैंकले २० करोड २४ लाख रुपैयाँ नाफा आर्जन गरेको छ ।