नरोकिने भयो दशैंको अग्रिम टिकट बुकिङ

काठमाण्डौ । दशैंको अग्रिम टिकट बुकिङ नरोकिने भएको छ । यातायात व्यवस्था विभाग र नेपाल यातायात व्यवसायी राष्ट्रिय महासंघबी मंगलबार भएको बैठकमा विपदसम्बन्ध िसूचनाका आधारमा अग्रिम टिकट बुकिङ कायम राख्ने सहमति बनेको हो ।  

सहमतिअनुसार सवारीसाधनले अत्यावश्यकीय प्राथमिक स्वास्थ्य उपचारका सामग्री, पिउने पानी तथा अत्यावश्यक अवस्थामा खान मिल्ने खानेकुरा राखेर मात्र यात्रा गर्नुपर्ने छ । अत्यधिक वर्षाका कारणले रेड जोनमा परेका सडकखण्ड तथा सडकहरूमा हेभी इक्विपमेन्ट तैनाथ राख्न सडक विभागलाई अनुरोध गर्ने निर्णय समेत भएको छ ।  

यातायात व्यवस्था विभाग, काठमाण्डौ उपत्यका ट्राफिक प्रहरी कार्यालय र नेपाल यातायात व्यवसायी राष्ट्रिय महासंघको बैठकले गत असोज १२ गतेदेखि चाडपर्वका लागि अग्रिम टिकट बुकिङ खुला गरेको थियो ।  

तर असोज ११ गतेदेखिको अविरल वर्षाका कारण आएको बाढीपहिरोले देशका विभिन्न भागका प्रमुख राजमार्गहरू भासिने र पहिरोले अवरुद्ध भएका थिए ।