रारा कर्णाली जलविद्युत आयोजनाका लागि लगानी जुटाउन एनआईसी एशिया क्यापिटल र एभिड पार्टनरबीच सम्झौता

काठमाण्डौ । एनआईसी एशिया क्यापिटल लिमिटेड र एभिड पार्टनर प्रालिबीच रारा कर्णाली हाईड्रोपावर प्रालिका लागि राष्ट्रिय तथा अन्तराष्ट्रिय लगानी जुटाउने सहमति भएको छ । कर्णाली प्रदेशको त्रिवेणी भेरी नदिमा निर्माण हुने ७८ मेगावाट क्षमताको रारा कर्णाली जलविद्युत आयोजना निर्माणका लागि दुईपक्षबीच समझदारी भएको हो ।  

एनआईसी एशिया क्यापिटलले ‘आईडियो टु आईपीओ’अन्तर्गत एभिड पार्टनरलाई आईपीओ निष्कासनदेखि नेप्सेमा सूचीकरण हुनेबेलासम्म परामर्श सुविधा उपलब्ध गराउनेछ ।  

रारा कर्णाली जलविद्युत आयोजनाले स्थानिय समुदायको आर्थिक विकासमा उल्लेख सुधार ल्याउने र देशको नविकरणीय उर्जा वृद्धिमा टेवा पुर्याउने विश्वास गरिएको छ ।