५ वर्षभन्दा पुरानो नगद लाभांश बुझिलिन माछापुच्छ्रे बैंकको आग्रह

काठमाण्डौ । माछापुच्छ्रे बैंक लिमिटेडले ५ वर्ष पुरानो नगद लाभांस रकम बुझिलिन सेयरधनीहरुलाई आग्रह गरेको छ । बैंकले एक सूचना जारी गर्दै विभिन्न साधारण सभाबाट पारित भएको ५ वर्ष पुरानो नगद लाभांस बुझिलिन आग्रह गरेको हो ।  

उक्त अवधिको नगद लाभांश हालसम्म पनि केही सेयरधनीहरुले नलिएकाले काठमाण्डौको बाघदरबारस्थित जेडिए कम्प्लेक्सको तल्लो तलामा रहेको बैंकको सेयर विभागमा सम्पर्क गनै बैंकले सूचित गरेको छ ।  

बैंकले यसका लागि एक महिनाको समय दिएको छ । निर्धारित समयभित्र नलिएमा उक्त अवधिको बुझिलिन बाँकी रहेको नगद लाभांस लगानीकर्ता संरक्षण कोषमा जम्मा गरिने बैंकले जनाएको छ । 

उल्लेखित ५ वर्षभन्दा पुरानो भुक्तानी हुन बाँकी लाभांशसँग सम्बन्धित सेयरधनीहरुको विवरण बैंकको आधिकारीक वेबसाइटमा राखिएको बैंकले जनाएको छ ।