नाबालकको बैंक खातासम्बन्धी यस्तो छ व्यवस्था

NEPAL RASTRA BANK
मंगलवार, फाल्गुन २०,२०८१ 10:36:49

काठमाण्डौ । सानै उमेरदेखि बालबालिकालाई बचतको महत्व बुझाउन तथा अभिभावकले आफ्ना बालबालिकाको भविष्यका लागि वित्तीय योजना तयार गर्न उनीहरूको नाममा नै बैंक खाता खोल्न सकिन्छ । जन्मदर्ता प्रमाणपत्र वा नाबालक परिचयपत्रको आधारमा कुनै पनि बैंक वा वित्तीय संस्थामा यस्तो खाता खोल्न सकिन्छ । यसरी नाबालकको खाता खोल्दा ऊ कानुनी रूपमा बालिग नभएसम्म खाता सञ्चालनको अख्तियारी नाबालकको अभिभावक वा संरक्षकमा रहन्छ ।

नाबालक बालिग भएसँगै बैंक वा वित्तीय संस्थामा गई आधिकारिक हस्ताक्षरलगायत अन्य विवरण अद्यावधिक गराएपश्चात् खाता सञ्चालनको अख्तियारी हस्तान्तरण हुन्छ । बैंक खाता खोल्न उमेरको सीमा हुँदैन ।

सानै उमेरदेखि बालबालिकालाई बैंक खातासँग परिचित गराउँदै उनीहरूको वित्तीय चेतना अभिवृद्धि गर्न बैंक वित्तीय संस्थामा खाता खोली बचत गर्ने बानी बसाल्नुपर्छ ।