महालक्ष्मी विकास बैंकको सहयोगमा पोखराको शिशुवा बजारमा सीसी क्यामेरा जडान

काठमाण्डौ । महालक्ष्मी विकास बैंकले संस्थागत सामाजिक उत्तरदायित्व कार्यक्रम अन्तर्गत पोखरा म.न.पा. ३० स्थित शिशुवा बजार क्षेत्रलाई समेट्ने गरी सीसी क्यामेरा जडान गरेको छ ।  

महालक्ष्मी विकास वैंक लिमीटेड शिशुवा शाखाको अगुवाईमा उक्त कार्य सम्पन्न भएको हो ।

महालक्ष्मी विकास वैंकका नायव प्रमुख कार्यकारी अधिकृत ध्रुवराज तिवारीले पोखरा म.न.पा. वडा नं. ३० का वडा अध्यक्ष दुर्गाप्रसाद सुवेदीलाई सिसि क्यामेरा हस्तान्तरण गरे ।  

साथै यसको संरक्षण, निगरानी, तथा व्यवस्थापनका लागि इलाका प्रहरी कार्यालय डाँडाकोनाकको समन्वयमा शिशुवा बजार व्यवस्थापन समितिलाई जिम्मेवारी दिइएको छ ।

यस कार्यले शिशुवा बजार क्षेत्र भित्र विभिन्न अपराधिक कार्य तथा सवारी दुर्घटनामा नियन्त्रण हुने विश्वास बैंकले लिएको छ । साथै आगामी दिनहरुमा पनि देशभर रहेका विभिन्न शाखा कार्यलयहरु मार्फत यस्ता सामाजिक कार्यहरुलाई निरन्तरता दिने वैंकले जनाएको छ ।

महालक्ष्मी विकास वैंकले देशभर १०३ शाखाहरुमार्फत करिब ७ लाख ग्राहकहरुलाई उच्चस्तरीय विभिन्न वित्तिय सेवाहरु सरलीकृत तवरले प्रदान गर्दै आइरहेको छ ।