.gif)
_(1).gif)
.png)
काठमाण्डौ । आज मात्र बनेको नयाँ सत्ता गठबन्धनमा प्रारम्भिक चरणमा सहभागी मुख्य ४ दलबीच ८ बुँदे सहमति भएको छ ।
कांग्रेस नेतृत्वको पुरानो गठबन्धन भत्काएर नयाँ समीकरण बनेलगत्तै ३ बिनाविभागीय मन्त्रीसहित सानो आकारको मन्त्रीपरिषद गठन भएको केही समयपछि दलहरुबीच ८ बुँदे सहमति भएको हो ।
प्रतिनिधिसभाको दोश्रो ठूलो दल नेकपा एमाले, माओवादी केन्द्र, रास्वपा र जसपाबीच यस्तो सहमति भएको हो ।
(1).gif)
जनचाहनाअनुरुप सुशासन, विकास र सामाजिक न्यायका आकांक्षा पूरा गर्न, राष्ट्रिय हित र सरोकारलाई प्राथमिकतामा राखेर सन्तुलित र फराकिलो अन्तराष्ट्रिय सम्बन्धको विकास गर्न तथा नेपालको संविधानको मर्म र भावनाअनुरुप संघीय लोकतान्त्रिक गणतन्त्रलाई सुदृढ गर्दै समृद्धिको दिशामा प्रभावकारी ढंगले अघि बढ्न ४ दलको सहभागितामा संयुक्त सरकार गठन गर्ने र सरकारको नेतृत्व पुष्पकमल दाहाल(प्रचण्ड)ले गर्ने सहमति भएको छ ।
यस्तै, राष्ट्रियसभा अध्यक्षमा माओवादी केन्द्रका उम्मेद्वार र उपाध्यक्षमा एमालेको उम्मेद्वारलाई समर्थन गर्ने सहमति समेत बनेको छ ।
सरकारमा सहभागी दलहरुबीच आपसी समझदारीमा मन्त्रालय बाँडफाँड गर्ने, त्यसरी बाँडफाँड गर्दा मन्त्रालयको विशेषताका आधारमा वर्गीकरण गरी मिलाउने र नयाँ संयुक्त सरकार गठन प्रक्रियामा सकारात्मक अन्य दलहरुसँग संवाद अघि बढाउने समेत सहमति बनेको छ ।
संघीयता कार्यान्वयनसँग सम्बन्धित बाँकी कानून निर्माण गरी सबै तहका सरकारलाई प्रभावकारी बनाउने, सरकारको नीति तथा कार्यक्रमलाई मार्गदर्शन गर्ने गरी सरकारमा सहभागी दलहरुबीचमा साझा न्यूनतम कार्यक्रम तयार गर्ने सहमति समेत भएको छ ।
चार राजनीतिक दलबीच समाजवादउन्मुख आर्थिक–सामाजिक विकासका लागि राजनीतिक स्थायीत्वको दिशामा अघि बढ्ने सहमति समेत बनेको बुँदा नम्बर ८ मा उल्लेख छ ।
सहमतिपत्रमा एमालेका अध्यक्ष केपी शर्मा ओली, माओवादीका अध्यक्ष प्रचण्ड, रास्वपाका अध्यक्ष रवि लामिछाने र जसपाका अध्यक्ष उपेन्द्र यादवले हस्ताक्षर गरेका छन् ।
सहमति यस्तो छः
.gif)
.png)
.jpg)
.jpg)
.jpg)
.gif)
(1).gif)
.gif)
