नयाँ टीएमएसमा पनि समस्याः नेप्सेमा उजुरीको चाङ, सबैभन्दा बढी नासाबाट

काठमाण्डौं । लामो रस्साकस्सी पछि आएको नयाँ टीएमएसमा पनि समस्या देखिएको छ । ब्रोकरहरुले आफैले ल्याएको टीएमएसमा समस्या देखिए पछि ब्रोकर र लगानीकर्ता हैरान भएका छन् । केही समय पहिले नप्सेको टीएमएसमा समस्या देखिएको भन्दै ब्रोकरहरुले आफ्नै टीएमएस सञ्चालनमा ल्याएका थिए ।  

तर नयाँ टीएमसमा पनि समस्या देखिएको भन्दै केही लगानीकर्ताहरुले नेप्सेमा उजुरी गरेका छन् । यसरी नयाँ टीएमएसमा समस्या आउनेमा नासा सेक्यूरिटिज (स्टक ब्रोकर नम्बर ५८) शीर्ष स्थानमा रहेको छ । उजुरीकर्ताले कस्तो समस्या भनेर उल्लेख नगरेता पनि नयाँ टीएमएसले राम्रोसँग काम नगरेको भन्दै उजुरी गरेका छन् ।  

यस्ता उजुरी दैनिक बढ्दै गएको र नेप्सेमा उजुरीको चाङ नै लाग्न थालेको नेप्सेस्थित स्रोतले जानकारी दियो । पछिल्लोपटक नासा सेक्यूरिटिजले डिओन इन्डियाको र अन्य बाँकी ब्रोकरहरुले आइरन वान नामको श्रीलंकाको सिस्टम भित्राएका थिए । हाल नयाँ टीएमएस ५÷७ वटा ब्रोकरहरुले मात्रै चलाएका छन् भने बाँकी पनि नयाँ टीएमएस चलाउने प्रक्रियामा रहेका छन् ।