एभरेष्ट बैंकको वितरणयोग्य मुनाफा लोभलाग्दोः खराब कर्जामा वृद्धि, व्यवसायमा संकुचन

BANKING
आईतवार, माघ ७,२०८० 08:10:57

काठमाण्डौ । एभरेष्ट बैंक लिमीटेडले चालु आर्थिक वर्षको दोश्रो त्रैमाससम्ममा १ अर्ब ७१ करोड खूद नाफा कमाएको छ । अघिल्लो वर्षको यही अवधिको तुलनामा बैंकले नाफा बढाएको हो । अघिल्लो वर्षको यही अवधिसम्मको खूद नाफा १ अर्ब ५८ करोड रुपैयाँमा सीमित थियो ।

बैंकको समीक्षा अवधिसम्मको वितरणयोग्य मुनाफा २ अर्ब ४० करोड रुपैयाँ रहेको छ । यो भनेको प्रतिसेयर २७.२५ प्रतिशतसम्मको रिटर्न दिनसक्ने क्षमता बनाएको छ भन्ने हो ।

Particulars figure in '000'	2n Quarter 2080-81	Previous Year-Corresponding
Net Profit	1,713,148	1,518,003
Distributable Profit	2,404,923	2,846,968
Operating Profit	2,447,595	2,268,477
Net Interest Income	3,623,487	3,670,245
Impairment charge	432,345	366,632
NPL %	0.77	0.55
EPS Rs.	29.12	21.45
Deposit	213,862,486	198,007,807
Loan	168,483,846	159,479,295
ROE $+%	13.26	13.41
P/E Times	18.00

कुल ११ अर्ब ७६ करोड चुक्तापूँजी रहेको कम्पनीको सञ्चालन मुनाफा बढेर २ अर्ब ४४ करोड माथि पुगेको छ । अघिल्लो वर्षको यही अवधिमा यस्तो मुनाफा २ अर्ब २६ करोडमा सीमित थियो ।

बैंकको व्यवसाय विस्तारमा भने केही संकुचन देखिएको छ । यहीकारण अघिल्लो वर्षको यही अवधिसम्म ३ अर्ब ६७ करोड रुपैयाँ रहेको खूद ब्याज आम्दानी घटेर यो वर्ष ३ अर्ब ६२ करोडमा सीमित बन्न पुगेको छ ।

नाफा बढेका कारण वार्षिकीकृत प्रतिसेयर आम्दानी गत वर्षको २१.४५ रुपैयाँबाट बढेर २९.१२ रुपैयाँको उचाईमा पुगेको छ भने ०.५५ प्रतिशतमा सीमित खराब कर्जाको अनुपात केही बढेर ०.७७ प्रतिशत पुगेको छ । अन्य बैंकहरुको तुलनामा एभरेष्ट बैंकको खराब कर्जाको अनुपात नगण्य जस्तै हो ।

खराब कर्जाको प्रभिजनका कारण इम्पेयरमेन्ट चार्ज केही बढेको छ । अघिल्लो वर्ष यही अवधिसम्म बैंकले ३६ करोड ६६ लाख इम्पेयरमेन्ट चार्ज राखेकोमा यो वर्ष बढेर ४३ करोड २३ लाख माथि पुगेको छ ।

बाँकी सूचक टेबलमा हेर्नुहोस्