.gif)
(1).gif)
.jpg)
_(1).gif)
काठमाण्डौ । नवनियुक्त अर्थमन्त्री बर्षमान पुनले पुँजीबजारको सुधारको विषयमा सुझाव मागेपछि नियामक निकाय पनि जुर्मुराएका छन्।
अघिल्ल्लो सरकार हुँदा सामान्य अवस्थामा चलेका नियामक निकायहरु अर्थमन्त्रीको रुपमा बर्षमान पुन आएपछि जुर्मुराएका छन् ।
पुँजीबजारका समस्याको पहिचान, समाधानका उपाय र कार्ययोजनासहित अर्थमन्त्रीले सुझाव मागेपछि तीन नियामक निकाय ब्याक टू ब्याक छलफलमा व्यस्त देखिएका छन् ।
आज यही विषयमा धितोपत्र बोर्डका निमित्त अध्यक्ष नबराज अधिकारीले नेप्से र सीडीएसीसँग छलफल गरेका छन् ।
अर्थमन्त्रीले तीन निकायलाई नै पत्र पठाए पनि उनीहरुले दिने सुझाव समान प्रकारका हुन्छन् । यहीकारण बजारका प्रमुख तीन सरकारी निकाय एकैठाउँमा बसेर संयुक्त रुपमा सुझाव तथा कार्ययोजना तयार पार्ने बिषयमा छलफल भएको सीडीएसीका प्रमुख कार्यकारी अधिकृत पूर्णप्रसाद आचार्यले बताए । उनले भने–‘समय थोरै छ । पूँजीबजारका समस्या पनि सामूहिक छन् । त्यसैले हामी एकै ठाउँमा बसेर छलफल गरी निचोड निकाल्ने निश्कर्षमा पुग्यौं र यसैका लागि आज तीन निकायबीच छलफल भएको छ । तर ठोस निश्कर्षमा भने पुगिहालेका छैनौं ।’
नेपाल स्टक एक्सचेञ्जका प्रबक्ता मुराहरि पराजुलीले पनि आज यसै विषयमा नेप्सेका सीइओ कृष्णबहादुर कार्की र बोर्डका निमित्त अध्यक्ष नबराज अधिकारीबीच छलफल भएको बताए । उनले पनि तीनवटै निकायले संयुक्त रुपमा सुझाव दिने दिशामा छलफल केन्द्रीत भएको पुष्टि गरे ।
नेप्से र सिडिएससीसँग छलफल थालेको धितोपत्र बोर्डले बजारसम्बद्ध अन्य सरोकारवाला निकायसँग समेत सुझाव माग्ने क्रमलाई अगाडि बढाएको छ । यस क्रममा स्टक ब्रोकर एशोसिएसन अफ नेपालसँग पनि बोर्डले सुझाव मागेको छ । एशोसिएसनका अध्यक्ष धर्मराज सापकोटाले भने–‘हामी पनि छिट्टै सुझाव तयार पारेर बोर्डलाई बुझाउँछौं ।’
अर्थमन्त्रीको बजार सुधारका लागि एकपछि अर्को एक्सन, त्योसँगै बजारसम्बद्ध नियामक निकायको बढ्दो सक्रियताले लगानीकर्ताको मनोबल उकासिएको देखिएको छ । यहीकारण बजार सुधारको प्रयास मात्र हुँदा समेत नेप्सेमा उल्लासको अवस्था देखिएको छ । बजार दैनिक रुपमा बढिरहेको छ भने लामो समयदेखि उपयुक्त अवसर कुरेर बसेका लगानीकर्ता समेत देखिन थालेका छन् ।
बजारमा खरीदचाप बढेकै कारण आज नेप्से परिसूचकलाई कारोबार रकमले पनि साथ दिएको छ ।
बजार सुधारको प्रयाससँगै अर्थमन्त्रीले थप एक्सनहरु लिएको खण्डमा यसपटक बजार निकै माथि जाने लगानीकर्ताहरुको दाबी छ । कतिपयले त सामाजिक सञ्जालहरुमा 'Barshaman Pun, 3200 Soon' भन्ने अभियान नै चलाइरहेका छन् ।
.gif)
(1).jpg)
.jpg)
.jpg)
(1).jpg){kind=logo}
.gif)
.gif)
