दलहरुलाई राष्ट्रपतिको सन्देश- 'बडो जुक्तिले पाएको अवसर छोप्नू, निर्वाचनमा सहभागी हुनू'

काठमाण्डौ । राष्ट्रपति रामचन्द्र पौडेलले बडो जुक्तिले प्राप्त अवसरको सदुपयोग गर्र्दै जनता रिझाउने र आफैंमा सम्हाल्दिै आगामी फागुन २१ गतेको चुनावमा सहभागी बन्न सबैलाई आह्वान गरेका छन् ।  

आज एक विज्ञप्ति प्रकाशित गर्दै राष्ट्रपति पौडेलले यस्तो आह्वान गरेका हुन् । 

तत्कालीन संसदका ठूला दलहरुले एकै स्वरमा संसद विघटनलाई गैरसंवैधानिक भन्दै विरोध गरेपछि राष्ट्रपति पौडेलले कस्तो अवस्थामा सहमति गर्नुपरेको थियो र त्यस्तो कठीन अवस्थामा समेत संविधा र गणतन्त्र जोगाउने काम भएको सम्झाएका हुन् ।  

देशको अत्यन्त असहज, विषम र भयपूर्ण परिस्थितिमा कठीन प्रयत्नपश्चात एउटा शान्तिपूर्ण निस्किएको सम्झाउँदै पौडेलले भनेका छन्- 'संविधान बचेको छ, संसदीय प्रणाली बचेको छ र संघीय लोकतान्त्रिक गणतन्त्र कायम रहेको छ । ६ महिनाभित्र प्रतिनिधिसभाको निर्वाचन सम्पन्न गरी अझ उन्नत लोकतन्त्रको बाटोमा अघि बढ्न जनताले अवसर पाएका छन् ।' 

राष्ट्रपतिको आजको विज्ञप्तिमा प्रयोग गरिएका भाषा र प्रसंग हेर्दा संविधान, संसदीय प्रणाली र संघीय लोकतान्त्रिक गणतन्त्र नै नबच्ने डरका बीच सहमति भएको आशय देखिन्छ । त्यस्तो विषम परिस्थितिमा समेत दलहरुले आफ्नो भूमिकाको सराहना गर्नुपर्नेमा संसद विघटनको मुद्दामा केन्द्रीत भएकोमा राष्टपतिले घुमाउरो ढंगले असन्तुष्टि व्यक्त गरेका देखिएको छ ।